Mate Isin 4, Iha Baucau Laos Covid-19

Mate isin neebe mate iha Baucau laos mate tanba Covid-19, maibe moras kronik hanesan diabetes, hipertensuan no ris. (Foto: STL/Jeniche da Costa)

DILI, STLNEWS.co – Mate isin neebe mate iha Baucau laos mate tanba Covid-19, maibe moras kronik hanesan diabetes, hipertensuan no ris.

Hatete Koordenadora Jeral Komisaun Covid-19, Odete da Silva Viegas ba Jornalista sira, liu husi konfensia imprensa iha Ministeriu da Saude (MdS) Caikoli, Dili, Kuarta (13/01/2021).

“Mate hirak nee sira nia ekipa konkliza hatete katak, mate nee laos kazu husi Covid-19, tanba iha fatin nee kedas ekipa foti kedas amostra husi familia neebe besik liu matebian sira no mos foti amostra ba mate isin, neebe iha rezultadu husi teste hatudu katak, sira nee negativu ba Covid-19,” hatete Odete.

Nia dehan, pasiente nain 4 neebe mak mate iha Baucau, nain tolu iha Bokoli, nain ida iha Buruma, pasiente nain tolu nee mate ho moras kronika, hanesan moras impretensaun, diabetes no ris, laos tanba Covid-19.

Nia esplika, ida fali mate iha Baucau Buruma nee moras ris, pasiente sira nee mos halo tramentu iha hospital referal Baucau, nomos sentru saude iha Baucau, maibe nia la halo tratamentu neebe regular.

“Ita hakarak hatene katak, ema nain haat nee mate tanba Covid-19 ou lae, tanba nee ita nia ekipa vijilansia tun kedas ba terenu foti sampel, sampel sira nee hatudu rezultadu negativu,” nia dehan.

Nia afirma, iha ida mak vijialansia too foti nia sampel, maibe nain tolu seluk nee hakoi tiha ona, entaun ekipa vijilansia foti sambel husi familia neebe besik, maibe rezultadu hatudu negativu.

Infrormasaun neebe STL rekolla, mate isin nain haat, feto tolu, ho tinan 53 ho moras hipertensaun, ida 83 ho moras ris, 51 ho moras hipertensaun no diabetes, no mane ida ho tinan 83 kroniku ho diabetes, laos Covid-19.*

Reportajen: Jeniche da Costa
Editora: Carme Ximenes

LEAVE A REPLY

Please enter your comment!
Please enter your name here