MdS Prioridade Forma Espesialista Area Importante

DILI, STLNEWS.co – Governu liu husi Ministeriu da Saude sei fo prioridade forma espesialista no sub-espesialista ba moras lahadaet, hanesan cardiologia, oncologia, hemodealisa no medisina interna, tanba moras aumenta makaas.

Liafuan nee informa husi Diretora Nasional Rekursu Humanu iha Ministeriu da Saúde, Tomasia de Sousa ba jornalista, Kinta nee (14/10/2021).

“Sub-espesialista nee ita foin iha nain 3, ita hanoin mos ba oin ita tenke foti sub-espesialista, depende ba area neebe mais importante no prioridade iha ita nia rai, hanesan ba foti ona espesialista cardiologia tenke foti tan espesialista operasaun nian ou foti cardio ba labarik sira,” hatete nia.

Nia dehan, dadaun nee foin iha sub-espesialista nain 3, espesialista nain 60 iha area oin-oin, hanesan medisina interna, pediatrician, obstetrician, cardiologista no seluk tan. No iha mos mediku espesialista Cubano nain 100 neebe apoia hela servisu espesializadu iha hospital referal inklui sentru internamentu sira.

Iha fatin seluk, Diretor Executivu Hospital Nasional Guido Valdares (HNGV) Alito Soares informa, antes mosu surtu Covid-19, ekipa espesialista hospital nasional halao ona outreach ba komunidade sira iha area rural, atu halo deteksaun sedu no prevensaun komplikasaun ba moras sira.*

Reportajen: Jeniche da Costa

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...