ME Vasina Doze Primeiru Atinje 34%

DILI, STLNEWS.co – Tuir Diretor Saude Munisipiu Ermera, Antonio de Fatima dehan, agora dadaun iha Munisipiu Ermera vasina doze primeiru atinje ona 34%.

“Agora dadaun iha Munisipiu Ermera, populasaun sira simu vasina ba primeiru doze nee atinje ona 34%, espera katak, iha loron hirak tuir mai nee aumenta, tanba ita apoiu husi nasional no parseiru dezenvolvimentu sira mos makaas, neebe ami espera katak, sei bele atinje iha loron hirak tuir mai,” dehan nia ba jornalista sira iha Salaun Delta Nova, Kinta nee (30/09/2021).

Nia informa, agora kada sentru saude nee, sira estabelese ekipa 10 to’o 12, nee signifika katak, iha ekipa balun tau iha postu imunizasaun nomos iha balun ba direta sai uma tama uma.

Agora bele dehan, iha Munisipiu Ermera komunidade nia konsensia komesa diak ona.

Uluk nee komunidade sira seidauk hetan informasaun sufisiente, no komunidade sira mos nafatin konsume informasaun hoax sira iha media sosial, ida nee mak sai problema.

“Ami espera katak, ho partisipasaun membru governu nian, iha sosializasaun ba iha vasinasaun Covid-19 nee, hau hanoin komunidade sira bele muda sira nia hanoin, no hau antusiazmu katak, komunidade agora komesa hanoin katak, se nia la vasina, nia hanoin nia labele asesu ba fatin publiku sira nee,” tenik nia.

Ezemplu mak hanesan, ema neebe mak atu foti osan bolsa da maen ba iha banku, banku sei la fo, bainhira sei la aprezenta kartaun kinur, ida nee mos sei implementa ba veteranus sira, ezemplu hanesan, bainhira veteranus ida ba banku atu foti osan tenke hatudu kartaun kinur.

Iha fatin hanesan, Diretor Saude Munisipiu Ainaro Agustinho da Costa haktuir katak, Munisipiu Ainaro nia progresu ba nivel munisipiu nian iha 34%, nee ba deit iha loron 17 fulan Setembru nee atinje ona 34%.

Nia hatutan, iha Ainaro no Hatu-udo nee liu ona 50%, ida nee ba nivel munisipiu foin atinje 34%. Problema pursentu kiik nee mai husi partisipante komunidade ladun masimu, tanba sira dala ruma bele rona lia menon husi Xefe Suku no lideransa, ladun iha komitmentu diak para lori populasaun sira ba fatin vasina sira.

“Mekanizmu mak ami nia sosializasaun lao nafatin, para bele hamaus no loke sira nia kakutak katak, vasina nee mak diak ona, hodi halo prevensaun ba propagasaun Covid-19 nee, uniku mak tenke vasina,” nia akresenta.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...