MEJD Re-Abertura Eskola Neebe Prepara Ona

DILI, STLNEWS.co – Ohin loron Kinta (15/07/2021), Ministeriu Edukasaun, Juventude, no Desportu (MEJD), foti desizaun atu reativa hikas prosesu ensinu aprendizajen prezensial iha Munisipiu Dili no Baucau.

“Ita hotu hatene katak suspensaun ba prosesu ensinu aprendizajen prezensial, durante semana hira lidera deit munisipiu Dili no Baucau, sira seluk reativa fila fali ona, maibe hahu ohin (15/07/2021), ita reativa fali prosesu ensinu aprendizajen iha munisipiu rua nee,” hatete Ministru Edukasaun Juventude no Desportu (MEJD), Armindo Maia liu husi konferensia imprensa iha MEJD Vila Verde, Kinta (15/07/2021).

“Ita haree katak taxa de vasina mos aumenta ba beibeik, iha Dili laran antes ne vasina iha ona 55% agora aumenta ba 60% ona no Timor laran tomak kuaze 40% ona, entaun hau hanoin ida nee bele mos ajuda ita,” nia tenik.

Maibe reativasaun ida nee ho kondisaun katak, eskola sira neebe iha munisipiu rua ninia taxa de vasina entre profesores ho funsionariu sira pelu menus atinji ona 70%, entaun ida nee mak ita autoriza para bele reativa fila fali.

Governante nee dehan, ba sira neebe seidauk atinji 70% presiza halo lai preparasaun no mestre ho funsionariu sira ba tuir lai vasina pelu menus doze primeiru, depois ida nee mak foin autoriza para bele reativa fila fali.

Maibe nafatin lao medidas neebe regula iha protokolu Covid-19 hanesan uza maskra, distansia sosial no fase liman bebeik, i aumesmu tempu mos ekipa husi MEJD sentral no edukasaun munispiu sei halao fiskalizasaun ba eskola sira nee atu haree kumpri ka lae. Ba sira neebe lakumpri sei foti medidas suspende lai ou medidas neebe makaas oituan.

Iha munisipiu Dili eskola hamutuk 99 mak prepara ona atu reativa hikas husi 197 eskolas. Total profesores neebe simu ona vasina hamutuk 1.498 husi 3.153, kejerke 47% vasina ona.

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: