DILI, STLNEWS.co – School of health research (Menzies) ho Ministeriu Agrikultura, Peska, Pekuaria no Floresta (MAPPF) asina renovasaun Memorandum of Understanding (MoU), hodi koalia konaba vijilansia ba rezisténsia antibikrobial, implikasaun no politika.
“Ami renova ami nia akordu ho MAPPF, asina MoU konaba ami nia kolaborasaun entre Menzies ho MAPPF, inklui rezistensia anti mikroba, no moras bruxelosis neebe hanesan, moras husi karau bele afeta fali ba ema, ho moras jenitiku sira seluk,” lia hirak nee hatoo husi Research Fellow and Animal Health Lead, Shawn Ting ba jornalista iha iha edifisiu Menzies Timor Leste, Tersa (12/09/2023).
Nia haktuir, moras jenotika neebe bele afeta ba animal sira mak moras broxelosis. Ida nee mak durante nee identifika iha Timor nomos moras seluk mak hanesan rabies, husi asu ba ema liu husi tata, no seluk mak hanesan rezistensia anti mikroba nee afeta mos, bainhira uza antibiotiku iha ema.
Nia haktuir, buat neebe esensial husi MoU nee mak kontinua no kolaborasaun neebe mak iha ona, ida tan mak sei haree isu foun sira neebe hanesan preoridade ba Ministeriu nian, nee sei ajuda liu husi ida nee.
Iha fatin hanesan, Diretora Nasional Veterinaria iha MAP, Joanita Bendita da Costa Jong haktuir, eventu ida ohin loron nee importante tebes, presiza halo renovasaun ba iha akordu sira nee.
“Haree ba ita nia kontestu TL, ita importa nee kiik tebes kompara ho nasaun boot sira, tanba ita seidauk iha industria, maibe ba futuru kuandu ita atu hasae produsaun nee, industrua komesa makaas, maibe industria sira nee uza antibiotik para, halo animal sira nee,” katak nia.
Nia haktuir, nasaun TL nee kiik oan, maibe tenta ho nia esforsu tomak para jere kedas husi agora, para aban bainrua ba futuru nee bele fasil ona atu kontrola.
(nat)
