Ministra Saude Preokupa Sala Ospital Referal Mamuk

SUAI, STLNEWS.co – Ministra Saude (MdS), Odete Maria Freitas Belo preokupa ho sala adultu no materindade iha Ospital Referal Suai mamuk, tanba komunidade tauk regras halo tratamentu tenke Swab.

Nia dehan, komunidade neebe moras la mai iha Ospital hodi tratamentu, tanba seidauk iha situasan Covid-19 Ospital Referal nee loron ida bele fo partus inan isin rua, liu nain lima, maibe oras nee iha ema ida deit mai tur ahi.

“Konkoraza ita nian komunidade sira, atu bele mai Ospital Referal Suai hodi halo tratamentu wanhira moras, tanba banhira hau ba vizita Ospital Referal Baucau mos hanesan, ita nia Komunidade lakohi ba Ospital, Ida nee sai preokupasaun ba ita,” hatete MdS, Odete ba Jornalista sira iha Ospital Referal Suai, Kuarta (21/07/2021).
Nia hatutan, sala ba adultu mamuk, sala Bedeatria iha inan ida iha neeba, razaun saida mak ema la mai, ema la mai tanba sira tauk atu Swab, tanba wainhira tama ospital nee tenke halo Swab.

Liu husi oportunidade ida nee, atu deklara katak, fo atensaun no bolu fila-fali Komunidade sira labele tauk ba swab, tanba swab mak bele hatene moras nee iha ema nian isin ou lae.

Governante nee husu nafatin ba komunidade sira, wanhira moras mos favor ida lao nafatin hanesan uluk, uza maskar, distansia sosial, fase liman ho sabaun, no mai ospital hodi halao tratemetu, haluha tiha Swab nee husi imi nian kakutak, tanba liu husi Swab mak bele hatene moras nee hela ho imi ga Lae, atu nunee bele tau ketak para moras nee labele fahe moras nee ba malu.

Entertantu Diretor Ospital Referal Suai, Jose Moniz Pereira hatete, Ospital Referal Suai, nafatin nakloke ba inan isin rua sira, maibe ho situasuan Covid-19 nee mak hetan inan isin rua konsulta ou partus nee menus, tanba tauk swab no tauk Covid-19.
Maibe regras neebe iha Ospital referal mak ema mai konsulta tenke halo Swab uluk ba Covid-19, atu nunee labele transmite ba ema seluk, liu-liu ba pesoal Saude sira neebe servisu iha Fatin nee.*

Reportajen : Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: