MS Propoin KM Estende KO Ba Munisipiu Dili Semana Rua Tan

DILI, STLNEWS.co – Ministra Saúde (MS) Odete Maria Belo husu Konsellu Ministru (KM) atu estende tan Konfinamentu Obrigatóriu (KO) ba Munisipiu Dili durante semana rua (2) tan.

Tuir Ministra Saude katak, KO neebe dadaun aplika iha Munisipiu Dili nia mak propoin, tanba variante Delta neebe hahu infeita komunidade sira no numeru infeitadu Covid-19 hahu sae makaas iha Munisipiu Dili. No situasaun agora iha ospital kama la sufisiente ona, no pesoal saude sira mos barak mak infeitadu ona Covid-19.

Nia dehan, iha implementasaun KO nee membru governu balun la konkorda, tanba sira hakarak ezekuta sira nia programa, iha fulan klaran ona no besik fulan Dezembru, maibe sira seidauk bele ezekuta sira nia orsamentu.

“Hau tenke kontra membru governu sira nee no hakarak implementa KO Munisipiu Dili durante semana ida, tanba hau lakohi hau nia komunidade atu mate tanba moras nee, maibe hau nia hakarak nee KO iha Munisipiu Dili nee aumenta tan ba semana rua (2), atu nunee ita bele hakotu lalais transmisaun nee, tanba transmisaun dadaun nee sei lao hela,” dehan Ministra Saude (MS) Odete Maria Belo liu husi konferensia imprensa neebe halao iha edifísiu Ministeriu Finansas Aitarak-Laran, Dili, Sabadu (04/09/2021).

Nia deklara, dadaun nee iha Munisipiu Ermera komunidade hamutuk nain lima nulu (50) mak infeitadu ona ba variante Delta no Munisipiu Dili mos iha ona.

“Hau haree se estatistikamente moras nee sae makaas, sei akontese iha fulan Setembru ga Outubru, tanba nee ita tenke antisipa agora, hau lakohi haree ema atu mate tuir dalan, no dadaun nee hau haree hetan metan kesi estrada ninin barak nee mate tanba saida,” dehan governante nee.

Odete fundamenta katak, proposta neebe nia hato’o bazeia ba dadus neebe mak aprezenta husi Sentru Integradu Jestaun Krize (SIJK) no Organizasaun Mundial Saúde (OMS).

Aliende nee konfinamentu obrigatoriu ba Munisipiu Dili neebe antes nee konsellu deside ona sei remata iha loron 9 fulan Setembru 2021.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: