DILI, STLNEWS.co – Xefi Sentru Saude Komoro, Emilia Ayati de Sousa informa, moras tolu mak nafatin aas iha Sentru Saude Komoro, mak hanesan Infesaun Respiratória Aguda (IRA ka sigla indonézia ISPA), kulit ho diarea.
“Moras neebe mak aas rejistu iha Sentru Saude Formoza nee, moras ISPA iha 5.979, tuir mai moras kulit, nee iha 1.341 pasiente no moras diarea nee iha 1.209, moras tolu nee mak sempre aas iha Sentru Saude Komoro,” hatete nia ba jornalista iha Komoro, Sesta (01/09/2023).
Nia dehan, moras tolu nee mak aas liu kompara ho moras sira seluk, hanesan hipertensaun, asidente ho moras pneumonia, inklui moras sira seluk.
Aleinde nee iha fulan Julhu, Sentru Saude rejistu mos kazu dengue iha nain 30 pasiente, ba pasiente sira neebe mak grave nee ami refere ba iha Sentru Saude Vera Cruz, pasiente la grave liu entaun la haruka ba iha Hospital Nasional Guido Valadares (HNGV).
Maibe ba pasiente sira neebe mak ninia kondisaun diak nee, ami halo observasaun deit iha Sentru Saude nee, too bainhira pasiente nia kondisaun diak, ami haruka fila uma,” hatete nia.
(nat)
