MS Entrega Pasiente Covid-19 Rekoperadu Ba Familia

DILI, STLNEWS.co – Ohin loron Sabadu dia 20 Fevereiru tinan 2021, husi Komisaun Nasional liu husi Ministeriu Saude (MS), inkorpora tan pasiente Covid-19 rekuperadu nain 1 husi izolamentu Vera Cruz, Dili entrega ba familia.

Hatete Vise Koordenadora Forsa Tarefas Prevensaun no Mitigasaun COVID-19, Odete da Siva Viegas ba jornalista sira iha CCD, Sabadu lokraik (20/02/2021).

“Ita nia pasiente rekuperadu nee Timor-oan mane ho idade 34, nia baixa iha izolamentu iha 3 Fevereiru ohin ita enterga ba familia tanba rezultadu negativu ona,” nia dehan.

Tanba swab teste dahuluk iha 16 Fevereiru, teste daruak iha 18 fevereiru. Rezutadu teste husi laboratotiu dala rua nee hatudu negative, nunee Ministeriu Saude re-entrega sidadaun nee ba nia nia familia.

Nia dehan, liu husi oportunidade nee informa swab screening halao ona ba komunidade iha Munisipiu Covalima, Bobonaro no RAEOA, provizoriamente amostra swab hamutuk 1356, husi total nee iha amostra 994 mak lori ona mai Laboratoriu Nasional, Dili. Rezultadu negativu hamutuk 718 nomos 276 mak sei hein rezuladu laboratoriu.

Nia esplika, progresu swab screening neebe ekipa halo iha Munisipiu Covalima atinji ona pursentu 73%, Bobonaro 80% no RAEOA 38%.

Nia mos dehan, konaba tipu vasina neebe Governu Timor-Leste aprova maka AstraZeneca, Ministeriu Saude hamutuk ho parseiru sira ba kombate Covid-19 nian implementa ona, advokasia kona-ba introdusaun vasina iha Timor-Leste iha 15 Fevereiru liu ba, tanba advokasia nee sei halao too fulan abril molok lansamentu vasina.

Entertantu dadus neebe STL asesu:
• Komulativu Teste 20.694
• Komulativu Negativu 20.549
• Hein rezultadu 42
• Komulativu kazu 103
• Kazu foun 0
• Rekupera 1
• Komulativu rekuperadu 86
• Pasiente atual neebe baixa 21
• Kuarentena 258 (Dili: 191, Munisipiu: 67)
• Auto-kuarentena 7 (Dili: 6, Munisipiu 1)
• Passa ona 14 dias 8005 (Dili: 6575, Munisipiu 1430).*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here