MS Estabelese Lalais Laboratoriu Teste Produtu Alimentar Importadu

DILI, STLNEWS.co – Organizasaun Hametin Agrikultura Sustentavel Timor-Leste (HASATIL) husu ba Ministeriu Saude (MS) atu estabelese lalais laboratoriu teste produtu alimentar importadu, nunee grantia komunidade asesu ba aihan neebe seguru.

Diretor Ezekutivu Organizasaun Hametin Agrikultura Sustentabel Timor-Leste (HASATIL), Gil Boavida hatete, ai-han importadu sira nee seguru no kontribui ba seguransa ai-han iha rai laran, maibe duvida ho kualidade produtu sira nee tanba numeru moras neebe kauza husi ai-han la seguru aumenta no tasa malnutrisaun nafatin sei aas iha nasaun Timor-Leste.

“Ita seidauk iha mekanismu neebe diak atu kontrola kualidade ai-han sira neebe importa husi rai liur mai, no ita seidauk halo esforsu maximu atu bele teste kualidade produtu sira tanba nee ami husu Ministeriu Saude bele estabelese lalais laboratoriu neebe bele kontrola ai-han sira molok tama iha merkadu atu komunidade asesu hodi konsumu,” dehan Gil ba jornalista, liu husi telfone, Tersa (08/06/2021).

Nia hatutan, durante nee governu liu husi instituisaun publiku Autoridade Inspesaun no Fiskalizasaun Atividade Ekonomia, Sanitaria Alimentar (AIFAESA) halo deit kontrolu ba iha data expire husi produtu alimentar sira iha merkadu, maibe serivsu ida nee mos seidauk maximu atu garantia ai-han seguru ba konsumedor sira.

Entretantu, Vise Ministru Saude, Bonifacio Maucoli dos Reis dehan, ai-han neebe la seguru responsavel ba kauza moras ho tipu 2.000 iha mundu, no bele oho ema, liu-liu sira neebe grupo vulneravel hanesan labarik menus tinan lima, inan isin rua, idozu no sira neebe imunidade la funsiona ho diak.

“Ai-han la seguru bele aumenta naha ba taxa malnutrisaun, Timor-Leste nudar nasaun neebe rejistu numeru kazu malnutrisaun aas ho prevalensia husi raes badak maka 47,1% kompostu husi raes badak moderadu 30, 2%, no severa 16, 9%. Prevalensia husi isin krekas maka 8,6% kompostu husi krekas moderadu 7,1%, severa 1, 5%, no prevalensia todan menus 32, 1% kompostu husi todan menus moderadu 24,6% no severa 7, 5%,” nia informa.

Aleinde nee malnutrisaun kazu envenamentu ai-han kada tinan aumenta ho total kazu kumulativu neebe rejistradu hamutuk nain 629, inklui sira balun mate.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: