DILI, STLNEWS.co – Ministeriu Saude (MS) ezekuta ona Orsamentu Jeral Estadu (OJE) ba segundu trimestre atinji ona 60%, nee mai husi numeru ekivalensia ho orsamentu US$ 52.1 millaun.
“Ezekusaun OJE ba MS segundu trismestre iha data ikus fulan Julhu nian ita ezekuta ona ninia atual nee iha 47.9% no mos ninia obligasi iha 10%. Nee signifika total nee ita ezekuta 50 ital pursentu, besik ona 60%, tanba obligasi nee signifika iha ona konta benefisiariu nian, nee husi fulan Janeiru too Julhu. Neebe ita hela deit 40% ital para bele ba fim do ano, i ami nota katak, orsamentu la sufisiente, liu-liu ba tratamentu pasiente sira ba iha rai liur. Total alokasaun orsamentu ba MS nee iha US$ 52.1 milloens no agora balansu nee hela deit US$ 19 milloens, neebe foin Julhu,” lia hirak nee hatoo husi Diretor Nasional Orsamentu Jestaun Finansas iha Ministeriu Saude, Miguel Maria, ba jornalista iha JL Vila Fatuhada, Kuarta nee (27/07/2022).
Nia afirma, iha orsamentu anterior nee MS hetan alokasaun US$ 6.1 milaun, too deit fulan Julhu nee remata no zero ona.
(nat)
