MS Fo Orientasaun Psikososial Baziku Ba PS Iha Lina Frente

DILI, STLNEWS.co – Ministeriu Saude lansa material neebe atu fo orientasaun abilidade psikososial baziku ba profesional saude iha lina frente, atu responde ba surtu covid-19 neebe povu Timor Leste hasoru. Hatete Ministra Saude (MS) Odete Maria Freitas Belo ba jornalista sira iha Hotel Novo Turismo, Kinta (06/05/2021).

“Ami prepara hela atu orientasaun konaba abilidade psikososial baziku ba profesional saude sira iha lina frente para atu responde ba surtu Covid-19, maibe laos haree deit ba asuntu Covid-19 nian, maibe haree mos moras sira seluk neebe mak ho Covid-19,” tenik Odete.

Tanba nee espesial liu ba iha asuntu mental ka ema psikolojika, durante Covid-19 neebe TL hasoru, Ministeriu Saude hasai nia protokolu atu bele husik ema iha ninia uma hodi halao kuarentena durante 14 dias nomos bele aumenta tan 5 ou 7 dias.

Nia esplika, situasaun pandemia Covid-19 nee halo ema hanoin barak no fo terus, liu-liu ba sira neebe iha kuarentena, tanba nee ho asuntu ida nee mos OMS hatoo katak, too ona tempu para atu mos haree kondisaun ema nian.

Iha fatin hanesan, psikologista Idalina Borges, iha Acuta Care iha HNGV dehan, prezensa surtu Covid-19 ida nee ho kalamidade neebe Timor Leste hasoru dadaun nee, halo sidadaun barak mak hanoin barak, tanba nee presiza ema hotu-hotu rona malu no iha pasiensia no konsensia, atu nunee bele manan surtu Covid-19 ida nee.

“Tanba nee, ita nia orientasaun baziku psikososial ita halao dadaun nee importante tebes, tanba iha momentu ida nee ema hotu-hotu presiza atu ema seluk rona sira,” nia esplika.

Nia dehan, tanba nee objektivu prinsipal orientasaun abilidade psikososial baziku mak oinsa ekipa lina frente, no profesional saude sira atu bele prepara sira nian aan, atu bele secara emosional oinsa sira kuidadu secara emosional laos fiziku deit, maibe mental ho fiziku sira forte, para atu bele hasoru situasaun ida nee.

Tanba pesoal lina frente sira mak heroi batailha ida nee, tanba importante tebes para sira iha abilidade rekursu fiziku no emosional.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: