MS Labele Diskrimina Pasiente

Deputada husi Bankada PD, Elvina Souza. (Dok: STL)

DILI, STLNEWS.co — Reprezentante Bankada Demokratiku iha Parlamentu Nasional husu Ministeiru Saude (MS) atu labele halo diskriminasaun ba pasiente sira neebe ba halo tratamentu saude iha rai liur.

Tuir Deputada (PD), Elvina Souza, pasiente sira neebe moras iha nesesidade duni atu halo evakuasaun ba rai liur hodi halo tratamentu saude, maibe sira nia prosesu dada naruk, maibe iha fali pasiente balun nia prosesu lalais deit.

“Hau husu ba ministeiru Saude (MS) kona ba prosesu selesaun ka iha prosesu atu halo evakuasaun pasiente ba rai liur, labele iha diskriminasaun maibe tenke iha tratamentu neebe hanesan,” dehan Elvina nia liu husi plenaria iha PN, Tersa (13/10/2020).

Nia husu MS atu tau atensaun seriu ba pasiente sira neebe maka ho idade produtiva nomos ba maluk veteranus sira. “Hau nia intervensun ida nee hanesan ezijensia ida para MS bele halo tratamentu neebe diak ba pasiente sira hotu, “tenik Elvina.

Iha fatin hanesan reprezentante governu atual nian, Ministru Asuntu Parlamentar no Komunikasaun Sosial (MAPKOMS), Francisco Jeronimo, dehan kona ba Ministeiru Saude nian sei ba fo informasaun ba Ministeiru Saude (MS), atu nunee desizaun saida maka Ministeiru bele fot hodi bele rezolve lalais kestaun sira hanesan nee.*

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here