MS Labele Halao Atividade Vasina Pfizer, Tanba Estudante Sei Ezame

DILI, STLNEWS.co – Ministeriu Saude (MS) labele halao atividade vasina Pfizer ba estudante sira, tanba oras nee dadaun labarik sira sei tuir ezame pasajen nian, tanba nee sira sei hahu fali iha loron 27 fulan Novembru tinan 2021.

Kestaun nee informa husi Diretora Servisu Saude Munisipiu Dili, Agustina da Costa Segurado ba jornalista sira iha Portu Dili, Kinta nee (25/11/2021).

“Ita hasoru dezafiu ida mak agora dadaun iha orario ba ezame pasajen, entaun iha eskola balun dehan labele atende durante ezame pasajen. Husi ami mos fo razaun katak bele muda loron ida rua, maibe labele to’o semana ida, tanba ita haree ba efetividade ba grau imunidade labarik sira nian nee tenke tuir interval lolos,” hatete nia.

Nia esplika, iha tempu interval ba vasina Pfizer husi doze dahuluk ba segundu mak 21 dias, signifika ema neebe simu ona doze dahuluk iha loron 27 fulan Outubru tenke simu doze segundu iha loron 17 fulan Novembru, atu efetividade vasina nee diak hodi hasae imunidade labarik sira nian.

Iha parte seluk, komunidade Maria Banca da Costa informa, Ministeriu Saude implementador ba vasina Pfizer, liu – liu edukasaun no saude tenke aselera kampana vasinasaun iha eskola sira, antes tama loron feriadu natal no tinan foun.

Nomos oras nee dadaun labarik sira sei tuir izamen pasajen nian, tanba nee profesora sira lakohi sira atu simu vasina, maibe liu tiha izame nee sira tenke simu vasina, tanba vasina diak ba ema nia saude.

(jen)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...