MS Laos Sai Ministra Ba Covid-19

Deputadu Bankada Fretilin, Dario Madeira. (Foto: Espesial)

DILI, STLNEWS.co – Deputadu Bankada Fretilin, Dario Madeira husu ba Ministeriu Saude laos sai Ministra ba Covid-19 deit, maibe tau atensaun ba asauntu saude sira seluk.

Nia dehan, hakarak koalia kona ba Ministeriu Saude nian, presiza tau atensun ba asuntu saude sira seluk mos.

“Hau hakarak koalia Sra. Ministra Saude laos sai Ministra ba Covid-19 nian deit, maibe Ministra ba Ministeriu tomak entaun asuntu saude sira neebe maka iha presiza atu tau atensaun hotu,” dehan nia liu husi Plenari iha PN, Tersa (09/02/2021).

Nia afirma, ezemplu iha HNGV enfermeiru, doutor nomos mediku jeral sira iha neebe ninia over time too agora la fo, ba seluk hetan maibe ba mediku jeral sira la hetan.

Entaun sira sente hanesan deskriminativu iha Hospital Nasional Guido Valadares (HNGV), buat sira hanesan nee Ministra Saude presiza atu hatene.

Nunee mos kona ba ai-moruk iha Dili laran sentru saude ho postu saude balu ai-moruk laiha, i aviaun tama sai diak hela tanba saida maka Ministra Saude labele atu esforsu.

Karik SAMES ai-moruk iha tanba sa labele hasai mai, lae too tempu prazu liu lori ba tibar eskavator kee rai hakoi tiha tanba expired ona no populsaun la konsege hetan ai-moruk.

Iha fatin hanesan, Deputada Bankada CNRT, Virgina Ana Belo, dehan relasiona ho Ministeiru Saude nian, liu-liu ba Ministra Saude neebe fokus liu ba iha Covid-19, haluhan tiha atendimenu ka problemas sira neebe akontese iha Ospitais sira iha teritoriu tomak.

Nia fo ezemplu iha HNGV horikalan subrinu moras bainhira lori ba, haree ema moras sira toba iha neebe ita lahatene saida maka akontese iha neeba.

“Husu favor ba Ministra Suade atu fokus itun ba moras sira nee, labele fokus deit ba Covid-19 hodi troka ema tun sae iha Ministeriu neeba, husik ema sira neebe durante servisu diak nee, atu servisu nafatin,” dehan nia.*

Reportajen: Domingas Soares/Guilhermina Franco
Editora: Carme Ximenes

LEAVE A REPLY

Please enter your comment!
Please enter your name here