MS-MAP Komesa Lansa Ona Vasinasaun

DILI, STLNEWS.co – Ministeriu Saude (MS) servisu hamutuk ho Ministeriu Agrikultura no Peskas (MAP) komesa lansa ona vasinasaun ba iha pesoal saude neebe mak ho risku.

“MS servisu hamutuk ho MAP komesa lansa ona vasinasaun ba iha pesoal neebe ho risku konsentra liu etapa dahuluk nian mak ba pesoal agrikultura nian neebe mak iha,” dehan Diretor Nasonal Prevensaun no Kontrolu Moras iha Minsiteriu Saude, Florindo Gonzaga ba jornalista iha JL Villa, Tersa (05/12/2023).

Nia haktuir, espera katak tempu oin mai sei avansa vasinasaun nee bele distribui mos ba parte saude nomos komunidade neebe mak iha risku atu hetan moras rabies, liu liu ba sira neebe mak besik iha fronteira.

Aleinde nee, painelista husi Veterinaria MAP, Antonio do Carmo informa, Ministeriu Saude mak halo prevensaun ba moras rabies.

“Parte husi ami veterinaria nia mos prepara vasina hodi vasina ba animal sira hanesan asu, para bele halo prevensaun ba asu, labele hetan moras rabies,” tenik nia.

Nunee mos reprezentante Organizasaun Mundial Saude iha Timor Leste, Arvind Mathur informa, OMS nafatin apoiu Governu Timor Leste liu husi Ministeriu Saude.

(nat)

LEAVE A REPLY

Please enter your comment!
Please enter your name here