MS Odete Triste Ho Grupu GAM, Neebe Kontinua Tama Sai Ilegal Iha Lina Fronteira

DILI, STLNEWS.co – Ministra Saude (MS) Odete Maria Freitas Belo informa, nia parte sente triste ho hahalok Grupu Arte Marsiais (GAM) balun, neebe kontinua tama ilegal iha lina fronteira hodi ba sae sabuk iha Atambua.

Nia dehan, responsabilidade Ministeriu Saude nia mak hare liu ba pasajeiru sira neebe tama legal liu husi fronteira, nunee bele fo kondisaun ba sira liu-liu ba sira neebe hakarak mai halo serbisu iha Timor Leste.

Nunee nia dehan governu Timor Leste lakoi dezenvolvimentu iha nasaun nee atu paradu, tanba nee governu deside fo autorizasaun ba ema sira neebe hakarak halo atividade komersiu no serbisu iha konstrusaun maibe presiza kontrola sira.

Tanba nee nia dehan, governu labele kontrola Timoroan no ema estranjeiru, liu-liu ba sidadaun Indonezia neebe tenta hakarak liu husi dalan ilegal.

“Tanba nee hanesan tristeza ba ita, tanba kontrola mos la hetan, no iha fulan 4 no 5 liu ba sei bele kontrola no kaer balun, maibe semana ida rua liu ba, kuaze ita labele kontrola tanba numeru ema neebe tama sai ilegal, liga liu ho joven sira neebe mak ba halo atividade sae sabuk iha rai sorin neeba,” dehan Ministra Saude (MS) Odete Maria Freitas Belo iha Edifisiu Ministeriu Finansas Aitarak-Laran, Dili, Kinta (10/09/2020).

Governante nee dehan, Timoroan hotu iha direitu atu tama sai lina fronteira, maibe tenki liu husi dalan neebe legal nunee governu bele kontrola.

“Grupu nee boot tebes, tanba nee wainhira tama ilegal ita labele kontrola, maske monta tia postu Unidade Patroilamentu Fronteira (UPF) barak mos susar oituan, tanba grupu sira nee hatene hela dalan atu oinsa mak sira bele tama, no dala ruma sira mos hatene hela UPF nia serbisu iha neeba, nunee sira aproveita situasaun sira nee hodi tama,” nia esplika.

Odete realsa, grupu sira neebe tama ilegal iha fronteira laos autoridade seguransa kaer deit sira iha fronteira neeba, maibe balun ba kaer iha munsipiu Viqueque balun iha Dili laran, no balun ba hela ho fali, tanba nee ita hotu reza nunee sira labele lori moras iha sira nia isin.

“Ita reza nafatin atu moras sira nee labele iha sira nia isin, maibe sei karik moras nee mak kontaminadu iha sira nia isin mak ita hanoin tebes ba ita nia komunidade sira,” Nia esplika.

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Video Vasina https://youtu.be/_p-St6W4XHw Ministério dos Assuntos...

Ema 200 Aprende Materia Kooperativa

DILI, STLNEWS.co - Sidadaun hamutuk 200 tuir formasaun husi Sekretaria Estadu Kooperativa (SEKoop), kona ba materia koperativa nian durante semana ida. Tuir Diretor Jeral Sekretariu...

Hakarak Atividade Lao Normal, Taur Apela Komunidade Simu Vasina

DILI, STLNEWS.co - Primeiru Ministru (PM) Taur Matan Ruak apela ba populasaun atu partisipa iha kampania vasinasaun, nunee wainhira tasa partisipasaun aas governu bele...
%d bloggers like this: