DILI, STLNEWS.co – Ministeriu Saude (MS) no Organizasaun Mundial Saude (OMS) halo lansamentu ba kareta movel, hodi identifika moras tuberkuloze iha Timor Leste.
“Ohin MS ho OMS halo lansamentu ba kareta movel, nee utiliza hodi halo screning ka halo detesaun ba moras TBC, tanba ita nia governu hakarak atu kombate ka hapara moras TBC nee iha ita nia rai,” lia hirak nee hatoo husi Diretora Ezejutivu Labaoratoriu Nasional iha HNGV, Endang Soares da Silva ba jornalista iha HNGV, Sesta nee (05/08/2022).
Nia dehan, kareta movel ida nee orsamentu husi fundu global hodi fo ba MS, maibe prosesu ba kompra nee OMS mak halo.
Iha fatin hanesan, Primeiru Ministru Taur Matan Ruak informa, ohin lansa laboratoriu ba tuberkuloze nian.
“Hau mos apela ba inan aman sira agora ita iha material diak hodi teste no identifika moras tuberkuloze nian, nunee hau husu ba hotu-hotu husi labarik kiik oan too iha katuas inklui mos joven sira bele kontribui fo kaben tasak para hatene moras saida mak ita iha liu-liu tuberkuloze, kombate sedu nee importante los,” katak nia.
Xefi Governu dehan, ohin loron priviléjiu los mai vizita ida nee mos observa difikuldade neebe mak iha hospital nasional nee infrenta.
(nat)
