MS Rekonese Komunidade Konsumu Antibiotika Arbiru

DILI, STLNEWS.co – Ministeriu Saude rekonese komunidade konsumu antibiotika arbiru la bazeia ba reseitas husi mediku, tanba ema faan ai-moruk iha kios kiik no loja sira iha hotu.

Diretor Nasional Farmasia no Medikamentu iha Ministeriu da Saude, Doutor Alipio Gusmão Lopes rekonese governu seidauk iha kapasidade atu halo kontrolu neebe regular no maximu ba sirkulasaun medikamentu iha rai laran, tanba nee komunidade sira konsumu aimoruk antibiotika arbiru la bazeia ba reseita husi mediku sira.

Situasaun ida nee halo moras balun neebe sai rezistensia ona ba ai-moruk antibiotika nivel primeiru, tanba nee tenke uza antibiotika neebe forte liu tan atu trata moras.

“Hau hanoin ita presiza hare asuntu ida nee ho seriu, tanba husi parte saude nian ita hare ema hotu uza antibiotika iha sira nia hela fatin hanesan dosi ida fasil ba sira atu hetan. Tuir lolos sira tenke hetan reseita husi mediku kualifikadu neebe servisu iha sira nia area, maibe realidade neebe ita iha ema bele asesu ba antibiotika iha kios kiik sira neebe bele kauza ba resistensia,” hatete Doutor Alipio ba jornalista sira, iha niaservisu fatin MdS, Kurta (25/11/2020).

Ai-moruk antibiotika neebe tuir nia katak, negosiante kiik sira faan iha kios no merkadu lokal mak Amoxicillin, tanba agora la efetivu ona atu halo tratamentu ba moras.

Tanba nee atu kontrola sirkulasaun medikamentu iha rai laran presiza entidade hotu nia kontribuisaun, tanba laiha fabrika medikamentu iha rai laran aimoruk sira nee tama hotu husi liur mak mai entaun ministeriu relevante tenke kontrola iha area fronteira atu evita tama ilegal, importador medikamentu sira atu evita faan ai-moruk ho kuantidade barak ba negosiante kiik sira.

Nia espera ho kampaña semana mundial nee bele uza hodi halo sosializasaun publika ba komunidade sira, kona ba impaktu uza antibiotika iresponsabilidade ba saude publika ema nian, atu ema ida-ida bele kontribui redus resistensia antimicrobal iha rai laran.*

Reportajen: Jeniche da Costa.
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Semana Rua Tan Vasina AstraZeneca 76.800 Husi UNICEF Too TL

DILI, STLNEWS.co - Reprezentante United Nations Children's Emergency Fund (UNICEF) iha Timor Leste, Bilal Durrani hatete, semana rua tan vasina doses hamutuk rihun 76.800...

Penhor Oan Hodi Selu Kost

DILI, STLNEWS.co - Relasiona ho familia kiik ida neebe hela iha Dili, osan laiha atu selu kost, halo nia oan sai penhor ou jaminan,...

Tenke Fo Atensaun Covid-19 Ba Izolamentu

BAUCAU, STLNEWS.co - Padre Manuel Ximenes, SDB husu ba governante sira katak, moras Covid-19 mak ba fatin izolamentu, maibe bolu asintomatiku deit, governu tenke...
%d bloggers like this: