MS – WVTL Fo Formasaun Ba Voluntariu

BAUCAU, STLNEWS.co – Programa Ministeriu Saude nian hamutuk ho parseira World Vision Timor-Leste kontinua fo formasaun ba voluntariu sira atu tama uma sai uma fahe informasaun ba komunidade, konaba prevensaun Covid-19 no mos vasinasaun.

Lian hirak nee hatoo husi DPHO Promasaun Edukasaun Saude no ba Covid-19 Responsavel Pilar II Risku Komunikasaun, Abrão Pinto ba STL iha Uma Pass, Kinta Loraik (10/06/2021).

Programa treinamentu nee realiza husi Ministeiru Saude ho parseira World Vision Timor Leste (WVTL) atu orienta voluntariu sira tama uma sai uma atu fahe informasaun ba komunidade sira konaba prevensaun Covid-19, no mos ba vasinasaun neebe mak atu oferese ba komunidade sira iha tempu besik.

Nia afirma, ekipa voluntariu sira mos, sei distribui informasaun konaba prevensaun Covid-19 no vasinasaun nian ba komunidade sria.

“Aktividade neebe ohin ami halao iha nee nee husi parseira World Vision, agora parseira World Vision ami sujere ba sira nia area nee oinsa fokus tau matan makas liu tan, ami nia ekipa saude mos lao tun ona hili duni voluntariu sira tuun ba suku fahe informasaun, tanba Covid nee laos aban bainrua hotu ona, tanba Covid nee sei kontinua ami mos kontinua fahe informasaun too Organizasaun Mubdial Saude deklara iha Timor laiha ona foin informasaun nee para,” dehan Abrão.

Nia hatutan, husi aktividade tama sai nee mak bele enkoraja komunidade sira partisipa iha vasinasaun neebe mak ita nia Governu atu implementa iha semana oin mai.

Iha fatin seluk, Jerente World Vision Programa Area Baucau Junilda Maria hateten, formasaun neebe mak halo nee hanesan kontinuasaun husi monitorizasaun neebe mak halao husi komisaun lian no asaun sidadaun atu halo sensibilizasaun no fo informasaun neebe klean ba komunidade sira konaba oinsa halo prevensaun ba Covid-19 no mos informasaun vasinasaun nian.

Nia hatutan, World Vision liu husi nia membru komisaun nian no asaun sidadaun nafatin fahe informasaun prevensaun ba Covid-19 no vasinasaun nian ba suku sira neebe mak World Vision estabelese ona projetu “Better Food Better Help.”

Junilda hateten, komunidade maioria menus informasaun husi parte relevante sira konaba vasinasaun AstraZeneca nian, maibe World Vision sei servisu hamutuk ho pesoal saude sira neebe mak treinadu, nunee sosializasaun no kontinua fahe informasaun konaba vasinasaun AstraZeneca.*

Reportajen: MJ-1
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: