DILI, STLNEWS.co – School of health research (Menzies) halao peskiza nasional ba moras tuberkuloze ka TBC iha munisipiu 10, deteta kazu pozitivu iha 117 pasiente.
Kestaun nee hatoo husi Koordenador Nasional TB Prevalence Survey, Rofina Isabel dos Santos katak, ekipa ba iha nasional TB, iha ekipa tolu neebe mak atu implementa ba iha peskiza ninian. Ekipa nee kompostu husi ema nain 14 mak iha grupu nee nia laran, ba iha implementasaun ninian.
Nia haktuir, atividade ba implementasaun nasional peskija TB ninian, atu halao atividade nee iha munisipiu 13. Husi 13 munisipiu nee kobre ona ba munisipiu 10 implementasaun ba iha peskiza ninian, husi munisipiu 10 nee kompostu ba 41 klaster, neebe mak pasa ona, no peskiza ba munisipiu 3 mak seidauk lao, Lautem, Manatutu ho Oekusi, neebe sei hela munisipiu tolu mak ekipa seidauk ba halo atividade implementasaun ninian.
“Total overol husi kazu peskiza ida nee, ami deteta ona ema nain 117 ba kazu pozitivu ba TB, ekipamentus neebe mak durante nee ekipa peskija sira halo, no lori ba atu implementa iha atividade nee, ami lori mos ho makina x-ray hodi atu identifika kazu pozitivu iha terenu, maibe liu husi makina x-ray nee mak foin identifika ema sira neebe mak deskonfia ba TB,” dehan nia ba jornalista iha edifisiu Menziens, tersa (12/09/2023).
Primeiru tama uma sai uma iha komunidade nia uma, neebe husi neeba mak ita foin identifika, iha kada aldeia nee ninia partisipante nee idade 15 ba leten mak ekipa peskiza sira sei refere fali hodi halo x-ray ba partisipante sira.
Nia dehan, kada munisipiu nee balun iha klaster rua no balun klaster haat, depende ba area neebe mak ekipa peskiza sira lao tuir mapamentu neebe mak iha. Kada munisipiu partisipante neebe mak kobre ba iha peskiza nee total 400 nee kada aldeia.
(nat)
