Numeru Covid Aumenta, Adriano: Fatin Ba Pasiente Grave La iha

DILI, STLNEWS.co – Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba maluk sira neebe mai ho sintomas grave, tuir informasaun balun katak, oksijeniu, toba fatin, ventilador hahu menus ou bele laiha ona.

“Hau rona isu katak, semana ida tan hanesa nee, fatin ba ema sira neebe grave ba pozitivu Covid-19 atu laiha ona, ekipamentus hahu menus liu liu oksijeniu, ventilador ba pasiente Covid neebe tama ho kondisaun grave, no fatin iha Dili mos laiha ona, dehan atu muda ba Liquiça no Manatuto, tan nee husu governu atu fo esplikasaun hodi konsensializa neon nain no matan moris ba pandemia surtu Covid-19,” dehan deputadu nee, liu husi sesaun pleneria, iha PN, Segunda (17/05/2021).

Nia afirma, hare numeru Covid iha rai laran kada loron aumenta husi 50 ba too 100 resin, maibe ema barak maka seidauk fiar dehan Covid-19 laiha, tan nee sira la uza maskra no kontinua halibur malu no laiha distansia, tanba nee husu ba governu atu kontinua halo sosializasaun ba komunidade sira iha baze, atu nunee bele prevene povu husi moras mundial ida nee.

Hatan ba kestaun nee, Ministru Asuntu Parlamentar no Komunikasaun Sosial, Francisco Jeronimo hateten, los duni haree ba numeru covid iha rai laran kada loron kontinua aumenta ba bebeik, tanba nee esforsu governu nian mak atu pverene povu husi moras mundial ida nee. Kona ba ekipamentus ba pasiente grave menus, mak nia sei hatoo ba iha Ministeriu relevante hodi fo resposta.*

Reportajen: Madalena Horta/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: