Numeru Vasina Makaas, Pozitivu Tun

DILI, STLNEWS.co – Oras nee dadaun numeru detetadu ba pozitivu Covid-19 loron ba loron tun ona, tanba populasaun barak mak vasina ona.

Kestaun nee informa husi Diretora Ezekutiva Laboratorium Nasional Saude, Endang Soares da Silva ba jornalista sira iha INS, Segunda (12/07/2021).

“Numeru pozitivu Covid-19 tun tanba ita haree kazu menus, tanba agora komunidade barak mak vasina ona,” nia dehan.

Nia dehan, uluk liu kazu barak tanba ema hakarak sai husi serka sanitaria (SS) entaun numeru nee aas, agora vasina ona dala rua la presiza halo teste swab.

“Ita uluk teste PCR barak liu nee sai husi SS, ita detekta ema barak neebe ho sintomas, agora ita haree barak mak vasina ona, entaun numeru nee tun, no sira mos livre movimentu ba mai,” nia informa.

Nia hatutan, ema neebe mak hetan ona vasinasaun kompletu movimentu ba munisipiu la halo teste swab ona, maibe se mak vasina dala ida tenke halo teste swab mak foin sai ba munisipiu, sei ema neebe nafatin la vasina nee tenke teste swab mak foin sai.

Entertantu Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste,(CIGC-SS) Rui Maria de Araujo, dehan, ema sira neebe viajen sai husi serka sanitaria Munisipiu Dili iha 512.

Nia informa, sira nee viajen ba internasional 23, follow up iha kuarentena iha 62, no mos total testes PCR neebe halo horiseik dia 12 de Jullu iha Munisipiu sira seluk inklui REAOA no HNGV, hamutuk 282, hanesan Munisipiu Baucau 69, Ermera 42, Maliana 11, Maubisse 53, RAEOA 11, Suai 37, Viqueque 18, no HNGV 41.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: