Obitu 54 Iha Quelicai, Ekipa Iha Ona Baze Atu Investiga

BAUCAU, STLNEWS.co – Relasiona kazu obitu iha fulan Setembru tinan 2021 nia laran, hamutuk lima nulu resin haat (54) iha Postu Administrativu Quelicai, ekipa pesoal saude hamutuk ho seguransa sira dadaun nee iha ona baze, atu rekolla dadus no halo investigasaun.

Lia hirak nee hato’o husi Diretor Servisu Saude Munisipiu Baucau, Domingos Reinaldo da Costa Guterres ba jornalista iha edifisiu RCLM, bainhira remata talk show, Segunda nee (20/09/2021).

“Ekipa 7 ohin dader sira ba tiha ona iha neeba, sira atu foti dadus ka halo investigasaun konaba mate neebe mak iha Quelicai hamutuk lima nulu resin haat (54),” dehan nia.

Nia hatutan, konaba investigasaun neebe mak ekipa nee ba halo, sidadaun sira neebe mak mate iha postu administrativu Quelicai hamutuk lima nulu resin haat (54), nee mate tanba Covid-19 ou lae.

Tuir informasaun neebe Diretor Saude Baucau nee rona, sidadaun sira neebe mak mate iha Postu Administrativu Quelicai mate total lima nulu resin haat (54), nee kauza husi isin manas, mear no dada iis la diak, maibe haree fila fali ba dadus neebe mak iha, sidadaun sira nee mate, lubuk ida mak mesak idade avansadu ona, tanba nee obitu sira nee mate tanba Covid-19 ou lae, sei hein hela dadus, dadaun nee ekipa iha ona baze atu halo investigasaun.

Iha fatin seluk, Koodenador Sentru Integradu Jestaun Krize (SIJK) Baucau, Adolfo Dias Marcal hatete, relasiona kazu obitu iha Postu Administrativu Quelicai iha fulan setembru nia laran hamutuk lima nulu resin haat (54), Ministeriu Saude liu husi Presidente Autoridade Munisipiu Baucau, forma ona ekipa, dadaun nee iha ona Postu Administrativu Quelicai, atu monitoriza kazu obitu sira iha Quelicai.

“Ita nia ekipa nee espesie peskiza kiik oan ida, halo iha Quelicai ba suku neen,” tenik koordenador nee.

Nia afirma, atu hatene lolos obitu hirak nee mate tanba Covid- 19 ou lae, ekipa dadaun nee iha ona baze halo monitorizasaun, depois de monitorizasaun mak foin hatene lolos obitu hirak nee mate tanba saida.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...