Odete: Ai-moruk Bele Sosa, Maibe Ran La Sosa

DILI, STLNEWS.co – Tuir Ministra Saude Odete Maria Freitas Belo, dehan doasaun ran nee importante, tanba dala barak iha Hospital Nasional Guido Valadares (HNGV) iha problema beibeik ba ran, maibe ai-moruk MdS bele sosa, ran labele sosa, tanba faan iha merkadu laiha.

“Ai-moruk nee ita bele sosa, maibe ran nee ita la sosa, laiha ema ida maka faan ran, maibe ran nee ita fo ba ema tanba ita iha solidaridade ba ita nian maluk sira, nee laiha ligasaun ho sosa ran, neebe bainhira ita nian maluk iha HNGV mak ran laiha, nee ita hotu – hotu ajuda HNGV atu buka se mak bele fo ran ba ita nian maluk nee, labele hirus labele siak, tanba ran nee MdS la sosa,” dehan Odete Maria Freitas Belo ba jornalista sira iha Sekretaria  Estadu, Juventude, no Desportu (SEJD), Tersa nee (09/11/2021).  

Nia dehan, liu husi konsulta masal nee iha mos aktividade doasaun ran, ida nee importante tebes, tanba pasiente iha HNGV barak mak presiza ran.

”Hau rasik nunka hasai ran, maibe hau koko atu halo teste hodi hasai ran para hodi ajuda ema moras, mais hau la promote iha nee, maibe hau teste ran lai, sei hau laiha moras hau bele oferese hau nia ran,” nia esplika.

Entretantu, Alberto Moniz nuudar familia pasiente informa, nia familia baixa fulan ida ona, maibe seidauk hetan ran, tanba laiha ema ida neebe ran atu hanesan ho nia pai neebe baixa.

(jen)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...