Odete: Pasiente Husi VC Ba HNGV Rekopera Ona

DILI, STLNEWS.co – Ministra Saude (MS) Odete Maria Freitas Belo hateten, pasiente neebe tranporta husi sala izolamentu Vera Cruz ba HNGV sei iha problema ho fuan, maske rekopera ona husi moras Covid-19.

Kestaun nee Ministra Saude (MS) hatete hodi resposta ba preokupasaun ka lamentasaun neebe hatoo husi mediku sira iha HNGV, kona muda pasiente Covid-19 husi sala izolamentu Vera Cruz ba HNGV iha loron hirak liu ba.

“Sim los duni katak HNGV prepara hela fatin tanba pasiente sira neebe mak iha Vera Cruz teste PCR nia rezultadu nee negativu ona, no nia sei iha problema oituan ho pulmaun no dependente ba oxigenio, tanba nee labele haruka nia fila uma entaun tenki muda nia ba HNGV para bele halo tratamentu ba nia,” dehan Odete Maria Freitas Belo hafoin remata enkontru ho PM Taur iha rezidensia Xefe Governu, Farol,Tersa (04/05/2021).

Tanba nee nia dehan, wainhira pasiente rekopera ona husi moras Covid-19, hanesan pasiente neebe transfere ona husi sala izolamentu Vera Cruz ba iha HNGV sei la fo impaktu pasiente sira seluk.

Nunee mos reprezentante Pilar 6 Evaresto Soares hatutan, presiza halo prevensaun liu husi fase liman, halo distansiamentu sosial nunee bele hadook aan husi Covid-19, tanba oras nee pozitivu ba Covid-19 kada loron kontinua aumenta.

Nia hatutan, halo prevensaun diak liu kumpre regra neebe mak hatoo husi Organizasaun Mundial Saude, nunee mos Ministeriu Saude liu-liu husi fase liman bebeik ho sabaun, labele halibur malu liu ema nain 10 ba leten, no karik iha sintomas ruma hakbesik aan ba sentru saude neebe mak besik hodi halo tratamentu nunee bele prevene surtu nee.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: