Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co – Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak, maibe pasiente sira la konkorda. Nia dehan, haree ba situasaun neebe akontese iha fatin kuarentena Tasi-Tolu sai kestaun mos ba MS.

“Liu-liu ba ita nia joven sira neebe tau iha neeba la konsidera fatin neebe maka ita tau hanesan fatin izolamentu i hanesan mos fatin ospital, ami koko atu tau feto ketak no mane ketak, maibe sira hakarak atu hela hamutuk ida nee mak akontese,” dehan nia liu husi plenaria iha PN, Segunda (14/06/2021).

Nia afirma, ema hotu haree akontese duni malu iha kontetor leten nee, tanba sira hakarak hetan malu.

Tanba iha izolamentu Tasi-Tolu A, B no C entaun izolamentu A ho B hakarak atu ba hetan malu ho izolamentu C, nee maka akontese.

“Hau la fo sala ba sira tanba ita trata pasiente neebe iha sintomas ho pasiente covid-19 neebe la ho sintomas, ema isin diak hela nee laos fasil, nee maka ami enfrenta,” tenik nia.

Odete hatutan, maibe iha seguransa koko nafatin atu fo informasaun ba sira, maibe iha balun komprende no balun la komprede.

“Maibe hakarak ka lakohi ami dehan imi atu dansa ou joga karta mos importante ami konfia imi, para moras nee labele lori sai ba ema seluk, nee maka ami nia hanoin,” dehan Ministra Saude nee.

Iha fatin hanesan Deputadu Bankada KHUNTO, Antonio Verdial hatete atu tau atensaun ba fatin kuarentena, tanba kuarentena nee fatin neebe izola ema pozitivu Covid-19.

“Hau foti exemplu hanesan iha Tasi-Tolu, fatin kuarentena nee tau ema iha neeba para atu deskansa ka tau iha neeba para atu joget ou atu dansa no duni malu tun sae,” dehan nia.

Nia hatutan, oinsa nuudar Ministra Saude atu halo tratamentu ba asuntu ida nee.

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: