Odete: Sidadaun 27.000 Resin Simu Vasina AstraZeneca

DILI, STLNEWS.co – Diretora Jeral Prestasaun Servisu Saude, iha Ministeriu Saude (MS) Odete da Silva Viegas hatete, hahu lansamentu loron 7 too 28 fulan Abril tinan 2021, sidadaun nain 27.000 resin simu ona vasina AstraZeneca (AZ) primeiru dose.

Nia dehan, vasina neebe hetan doasaun husi COVAX facility iha faze primeiru ho kuantidade 24.000 dose, maibe depois implementa ultrapasa too 27.000 dose tanba vasina botir ida sona ba ema nain 12.

“Ita nia observasaun iha semana hira nia laran hare, ema barak maka intersadu atu hakarak hetan mos vasina alende liña frente sira. Sira neebe la tama grupo prioridade mos hakarak vasina, signifika iha mos antusiasmu husi komunidade sira atu hetan vasina, maske vasina nee laos obrigatoriu, maibe ema hotu konsente ona katak moras nee iha duni no sai perigu ba vida,” hatete Odete ba jornalista, iha MS, Segunda (03/05/2021).

Nia tenik, iha implementasaun vasina iha munisipiu sira hotu atinje 100%, signifika liña frente sira neebe hetan prioridade konsege vasina hotu, no vasina mos sidadaun sira ho idade 60 ba leten, inklui sira neebe ho moras kronika sira.

Nia rekoñese, tanba iha profesional saude balun rejeita simu vasina tanba tauk no hakarak hein hodi observa implementasaun atu hare vasina nee seguru duni maka sira simu vasina.

“Situasaun pandemia sai nafatin ameasa ba mundu, no ita nia rai kazu aumenta ba lor-loron, medida hotu estado atraves husi Ministeriu Saude ho parseiru sira halo ona servisu barak, maibe medida uniku prevene moras ida nee maka ita utiliza vasina neebe implementa dadaun ona,” nia informa.

Tanba organizasaun COVAX Facility komite atu apoia vasina 20%, no iha faze primeru sira haruka ona 24.000 dose mai, signifika sei iha 263.556 dose atu kompleta 20% nee tanba nee iha fulan Junnu sei too tan vasina ho kuantidade 60,000 dose.

Iha parte seluk, Diretur Servisu Saude Munisipiu Lautem, Bernardo Amaral Lopes informa, sira konsegue fo vasina ba sidadaun hamutuk 814, no sira nee maioria servisu iha liña ferente hanesan profesional saude, autoridade seguransa, inklui mos komunidade voluntario sira neebe hakarak vasina.

Nia afirma, ema barak tauk tanba informasaun sira neebe la loos konaba vasina nee, maibe sira nafatin halo edukasaun no sensibilizasaun ba komunidade sira konaba importansia vasina atu proteje aan husi virus nee no vasina nee seguru.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Xanana Husu Joven Kria Pás & Estabilidade

DILI, STLNEWS.co - Lider nasional Kay Rala Xanana Gusmão husu ba joven iha Bairo Moris Foun C, Santo Antonio Comoro atu kria pás no...

Asosiasaun Emprezariu Xineza Apoiu Material Konstrusaun Ba BOP

DILI, STLNEWS.co - Ekipa voluntariu Mama Bolu Timor-Leste parseria ho Asosiasaun Emprezariu Juventude Xineza Timor oan apoiu material konstrusaun ba Batallaun Orden Públika (BOP)...

PR Ho Espoza Vizita Eko Turismo Sentru Estudu Mangrove

DILI, STLNEWS.co - Prezidente Republika Francisco Guterres Lú Olo no nia espoza ohin Domingu (01/08/2021) halo vizita ba fatin eko-turismu Sentru Estudo Mangrove, Hera. Iha...
%d bloggers like this: