Odete: Vasina Prazu Labele Rai Iha Korenti Malirin

DILI, STLNEWS.co – Tuir Ministra Saude (MS) Odete Maria Freitas Belo hatete, vasina neebe atu expire ka prazu ona iha fulan Novembru no Dezembru tenke soe, labele rai iha fatin malirin.

“Kuandu la diak ona ita la rai tan iha fatin malirin, tanba expire ona nee ita la uza ona,” dehan Odete Maria Freitas Belo ba jornalista sira iha SAMES Kampung Alor, Dili, Segunda nee (15/11/2021). 

Nia esplika, konaba atu destroi vasina seidauk iha planu, tanba sei iha items ualu (8) neebe mak sei expire iha loron 9 fulan Novembru, loron 21 fulan Novembru, no loron 10 fulan Dezembru.

“Tanba nee ita espera katak, komunidade sira neebe seidauk simu vasina segundu doze, diak liu mai simu vasina, sei lae ita soe estrga deit,” nia esplika.

Iha fatin hanesan, Diretor Ezekutivu Forum Organizasaun Naun Governamental Timor-Leste, (FONGTIL) Daniel Santos do Carmo esplika, FONGTIL halo ekipa boot hodi monitoriza iha 12 munisipiu, deskobre pontu ida mak ema laos ba vasina atu proteze an husi Covid-19, maibe ema hakarak vasina tanba hakarak movimentu livre.

“Maibe MS konsege esforsu maratona durante nee, ohin ita grasa katak, rihun hitu deit, nee problema mais ladun grave, entaun agora ita tenke apresia tanba territóriu nasional, ita atu atinje ona 90% ba populasaun vasina doze daruk, nee ita persiza apresia ba governu,” nia hatutan.

(jen)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...