OMS Entrega Aimoruk Item 121 Ba MS

DILI, STLNEWS.co – Ohin Organizasaun Mundial Saude (OMS) entrega aimoruk item 121 ba Ministeriu Saude (MS), hodi trata ba kazu emerjensia sira hanesan moras sarampu.

Reprezentante OMS, Arvind Mathur informa, ohin OMS senti urgulhu tebes, bele servisu hamutuk ho MS hodi suporta liu husi aimoruk neebe mak ohin entrega ba MS, hodi haforsa servisu INFPM nian.

“Ohin loron ita entrega aimoruk ba emerjensia nian, atu atende ba kazu sira emerjensia, neebe foku liu ba iha moras sarampu nian, hamutuk item 121 nee mak hanesan adhesive tape, blanket, tape, measuring, gloves examination, no seluk-seluk tan, hodi asegura iha armajen Institutu Nasional Farmasia Produtu Mediku (INFPM).

Nia dehan, tanba ho situasaun ida nee, tuir OMS nia haree katak, maski sei iha dezafiu, maibe servisu nafatin ho MS. Iha mos pontu fokal sira konaba saude publiku husi OMS nian, neebe mak tau iha kada munisipiu, atu nunee bele asegura katak, servisu survalensia nafatin, karik mosu isin katar ka isin manas ruma, nee nafatin tau ba relatoriu, nunee lao nafatin.

Iha fatin hanesan, Visi Ministru Saude Operasionalizasaun Hospitalar, Flavio Brandão informa, ohin hamutuk atu simu doasaun husi OMS hodi suporta Governu Timor-Leste.

Nia afirma, liu-liu haree ba moras ida bolu dehan sarampu, neebe mak durante nee kuaze elimina ona moras nee, maibe responsabilidade boot ba OMS mak kontinua suporta, kuandu iha sintomas ruma ba moras ida nee.

Nia dehan, husi aimoruk ka ekipamentus mediku neebe mak iha, nee hanesan suporta rutina ba moras neebe mak iha.

“Maibe ita mos uza oportunidade ida nee atu uza mos ba iha servisu rutina ita nian. Nunee mos halo servisu sira neebe mak ita planeadu ona iha hospitais rejional sira, entaun ida nee atu hatudu katak, durante nee kolaborasaun ho MS ho OMS lao diak, no OMS sensibel hela ho ita nia planu sira neebe mak MS Kansas, no lao alina malu ho suporta sira neebe mak iha,” hatete nia.

Aleinde nee, Diretor Ezekutivu INFPM, Brigidio De Deus informa, aimoruk neebe mak ohin intrega husi OMS ba Ministeriu Saude nee.

“Ami asegura hela iha armajen INFPM, bainhira fasilidade sira halo pedidu mai emerjensia entaun ami halo distribuisaun ba sira, tanba aimoruk nee ba kazu emerjensia nian,” hatete nia.

(nat)

LEAVE A REPLY

Please enter your comment!
Please enter your name here