OMS Husu TL Uza Vaksin AstraZeneca

Reprezentante Organizasaun Mundial Saude iha Timor Leste, Arvind Mathur. (Foto: STL/Alberto Menezes)

DILI, STLNEWS.co – Orgazisaun Mundial Saude (OMS) liu husi nia reprezentante iha Timor Leste, husu governu atu utiliza tipu vaksin AstraZeneca ba populasaun sira.

Kestaun nee reprezentante Organizasaun Mundial Saude iha Timor Leste, Arvind Mathur hatoo, wainhira hasoru Primeiru Ministru (PM), Taur Matan Ruak, iha Palasiu Governu, Dili, Sesta nee (12/02/2021).

“Bazeia ba rekomendasaun neebe OMS iha ba Primeiru Ministru, atu uza tipu vaksin iha Timor Leste mak tipu AstraZeneca, maibe depende ba desizaun Konsellu Ministru,” dehan Arvin Mathur.

Nia hatutan, iha enkontru ho Xefe Governu, sira aprezenta ona tipu vaksin tolu hanesan AstraZeneca, Moderna no Pfizer nee, tanba bazeia efikasia ba sistema seguransa saude iha Timor Leste hodi prepara simu vaksin nee, maibe desizaun hotu tenke bazeia husi governu.*

Reportajen: Alberto Menezes
Editora: Carme Ximenes

LEAVE A REPLY

Please enter your comment!
Please enter your name here