PAM Baucau Halo Lansamentu Vasinasaun AstraZeneca

BAUCAU, STLNEWS.co – Prezidente Autoridade Munisipiu (PAM) Baucau, Olivio Freitas ho ekipa lina frente halo lansamentu ba vasinasaun AstraZeneca doze segundu nomos ba ekipa lina frente neebe mak seidauk simu vasina doze primeiru.

“Timor Leste iha primeira etapa ita haree diak, signifika katak responde realidade ita Timor nia imunidade, dala ida tan hau hakarak konvida ita boot sira bele tuir ba segundu faze, iha vantajen ba ita katak se mak hetan segundu faze bele ba neebe deit ho bileti ida kinur nee bele lao Timor laran tomak, no mos karik sai ba liur bele, tanba ida nee iha rai seluk la husu ona pasaporte maibe husu fali kinur oan nee,” dehan Prezidente Autoridade Munisipiu Baucau, liu husi nia deskursu iha Ospital Horex Baucau, wainhira halo abertura lansamentu ba vasinasaun AstraZeneca doze segundu no doze primeiru ba ekipa lina frente sira, iha Segunda (14/06/2021).

Nia afirma, nunee informasaun neebe mak iha simu vasina dala rua mate nee laloos, tanba nasaun TL nasaun demokratiku nunee ema balun hakarak halo propaganda atu desakribita VIII Governu.

Olivio hatete, informasaun neebe mak nia parte hetan husi ema neebe mak simu ona vasina AstraZeneca doze primeiru antes nee, katak simu vasina AstraZeneca iha mudansa neebe diak ba ema nia saude tanba durante ema neebe tensaun alta bele redus fila fali, no ema neebe mak moras asam urat bele diak fila fali.

Iha fatin hanesan Komadante Komandu PNTL Munisipiu Baucau, Armando Monteiro hateten, vasina AstraZeneca neebe nia parte simu diak iha reasaun oituan maibe parte mediku sira mos apoiu ho aimoruk atu minimiza wainhira reasaun vasinasaun nee lao.

“Vasina diak, faze primeiru nee mak iha reasaun iha oras balun nia laran maibe ita nia mediku sira apoiu aimoruk oinsa atu mai iha wainhira reasaun nee sae karik atu minimiza tiha ita nia isin reasaun neebe mosu,” katak Armando.

Nia hatutan, vasinasaun nee nia parte foin simu faze primeiru maibe membru PNTL munisipiu Baucau balun antes nee simu ona doze primeiru no balun antes nee iha balun mos seidauk simu doze primeiru tamba razaun saude, maibe iha faze ida nee membru sira sei hotu hotu tuir vasina.*

Reportajen: MJ-1
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: