Parlamentu Lamenta Pasiente Hola Rasik Aimoruk

DILI, STLNEWS.co – Reprezentante povu iha uma fukun Parlamentu Nasional (PN) liu husi Deputada Bankada KHUNTO, Irenia Gonzaga lamenta pasiente ba halo tratamentu, wainhira aimoruk la iha haruka fali sira ba hola rasik iha apotik.

Nia dehan, relasiona ho aimoruk ida neebe se sinal konaba dengue halo labarik sira nia kabun laran moras, presiza atu sona labarik sira, maibe aimoruk nee rasik agora nia stok la iha.

“Senti lamenta husi hospital haruka pasiente nia familia rasik ba hola fali iha apotik, no aimoruk nee nia presu karun hola rua deit US$ 30, entaun ba pasiente sira neebe iha osan bele hola, mais ba sira neebe la iha osan pasiensia husik deit sira nia oan hanesan nee deit ona,” dehan nia liu husi plenaria iha PN, Tersa nee (26/04/2022).

Nia hatutan, tan nee husu ba ministeriu relevante atu haree asuntu ida nee ho seriu, tanba ida nee bele halo mate ho atendimentu neebe mak tarde liu.

Aleinde nee Sekretariu Estadu no Komunikasaun Sosial (SEKOMS), Juvinal Merisio Acara hatete, relasiona ho preokupasaun deputadu nian konaba stok aimoruk la iha, nafatin toma nota hodi hatoo ba parte relevante hodi toma konsiderasaun.

(dom)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...