Pasiente 4 Moras HIV

Iha fulan Janeiru mai too ohin loron, Klinika Privadu Motael deteta pasiente nain 4 hetan moras HIV/SIDA. (Foto: Google)

DILI, STLNEWS.co – Iha fulan Janeiru mai too ohin loron, Klinika Privadu Motael deteta pasiente nain 4 hetan moras HIV/SIDA.

Dehan Responsavel Tuberkulozu, Ambroziu Soares ba STL, iha nia knaar fatin Klinika Santo Antonio Motaél, Dili, Segunda (05/10).

“Pasiente hirak nee ami deteta iha klinika nee depois ami transfere fali ba sentru Saude Vera Krus hodi halo tratamentu para rekupera lalais, tanba ami nia klinika nee laiha aimoruk espesifiku atu halo tratamentu ba pasiente neebe hetan moras HIV/SIDA,” dehan Ambroziu.
Nia hatutan Klinika Privadu Motael deteta deit depois transfere fali ba Sentru Saude, neebe iha aimoruk atu halo tratamentu ba pasiente neebe hetan moras ida nee.

Maibe pasiente Nain 4 neebe hetan moras HIV/SIDA, halo tratamentu hemu aimoruk fulan 8 nia laran rekupera hotu ona.

“Ami nia sala ida nee so tratamentu deit ba TBC nian, kona ba HIV nia ami so deteta deit depois ami fo reseita ba pasiente nee, ba halo tratamentu ba ospital Vera Krus,” tenik nia.

Nia dehan moras HIV/SIDA nee perigu tebes, tanba nee husu juventude sira atu buka hadook aan no prevene aan husi ransu livre.

Reportajen: Natalina Lopes
Editora: Carme Ximenes

LEAVE A REPLY

Please enter your comment!
Please enter your name here