DILI, STLNEWS.co – Xefi Departamentu Banku de Sangue, Claudio Julio Quintão informa, raan neebe pasiente sira presiza barak liu mak tipu raan O.
Nia dehan, Servisu Banku de Sangue iha fulan Agostu nian, halao servisu atendimentu hanesan baibain, maibe relasiona ho komemorasaun loron referendum nian, iha instituisaun barak fo mak raan ba Banku de Sangue, neebe durante Agostu nee garante tebes stok raan iha Banku de Sangue.
Nia afirma, bainhira halo transfusi beibeik too mai ohin loron, depois iha fulan Setembru nee sira husi juventude FRETILIN organiza mai halo doasaun raan. Agora seidauk iha planu atu halo doasaun raan, maibe iha ona informasaun balun, organiza husi estudante sira ICS atu halo doasaun nee iha Munisipiu Likisa, nee tuir planu neebe atu halo iha loron 21 agora.
“Raan neebe mak ita nia pasiente sira presiza barak liu mak tipu raan O, neebe stok raan iha fulan Agostu mos tipu raan O mak barak liu,” hatete Xefi Departamentu Banku de Sangue iha HNGV Claudio Julio Quintão ba jornalista iha HNGV, Tersa (19/09/2023).
Nia hatutan, total pakote neebe mak Banku de Sangue rekolha nee hamutuk 635. Husi numeru nee mai tama iha Banku de Sangue hodi halo transfusi, husi numeru nee sira livre tiha ona husi moras.
Nia afirma, husi total iha leten nee numeru tipu raan A nee iha 154, tipu B nee iha 130, AB iha 29 no tipu O nee iha 322 raan.
(nat)
