Pasiente Covid Rekopera Tratamentu Iha HNGV

DILI, STLNEWS.co – Iha loron 2 fulan Abril 2021, Hospital Nasional Guido Valadares (HNGV) simu transferensia pasiente ida husi sala Izolamentu Vera Cruz atu kontinua hetan tratamentu paliativu, tanba pasiente nee rekopera ona husi Covid-19, maibe presiza tratamentu too orgaun pulmaun bele funsiona ho diak. Hatete Diretor Kliniku Hospital Nasional Guido Valadares (HNGV), Flavio Brandão ba jornalista sira, iha HNGV, Dili, Tersa (04/05/2021).

“Normalmente ita halo buat ida bolu tratamentu paliativu hanesan konsekuensia ida ba pasiente neebe uza ventilador durante tempu naruk. Afeta makas entau suporta ventilador no oxygeniu tanba labele depende ba pulmaun mesak, entau oxygeniu kontinua no halo mos paliativu atu bele hadia funsaun pulmaun nian, nee presiza tempu,” nia hatete.

Tanba tuir Flavio pasiente nee hetan tratamentu suportivu ventilador iha Vera Cruz durante loron 13 nia laran no tama ho sintoma dada iis labele, tanba infesaun afeta makas pulmaun.

Nia esplika, rezultadu diagnostika la deteta pasiente nee sofre moras kronika seluk, maibe pasiente tama iha grupu vulneravel tanba fuma tabaku, entaun presiza hetan kuidadu paliativu atu pulmaun bele funsiona ho diak.

Pasiente hotu neebe livre ona husi infesaun Covid-19, maibe sei presiza tratamentu kontinuasaun tenke evakua mai HNGV atu bele hetan tratamentu sira.

Terminologia kuidadu paliativu nee katak pasiente neebe kontinua hetan asistensia husi parte balun atu pasiente nee nia orgaun sira bele funsiona ho normal fali.

Iha Fatin seluk, Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, esplika, iha loron 2 fulan Maiu tinan 2021, izolamentu Vera Cruz halo tratamentu ba kazu detetadu ho kategoria moderadu no grave hamutuk nain 23.

Nia hatutan, kazu 5 iha area obstetrisia. Sira hotu ho kategoria moderadu, no kondisaun estavel. Iha kazu 14 iha area medisina interna, kazu hira nee nain 7 grave, no nain ida uza ventilador, no kazu nain 7 moderadu uza oxygeniu. Iha mos kazu 4 iha area pedatria, kazu hira nee nain 3 moderadu uza oxygeniu no nain ida grave uza CPAP.

“Aproveita informa mos ba publiku katak, kazu detetadu Covid-19 ida neebe baixa iha Vera Cruz iha dia 12 de Abril tinan 2012, ho Sindroma Insufisiensia Respiratoria Aguda (SIRA), no husi hahu uza kedas ventilador,” nia esplika.

Nia dehan, hahu ohin transfere ona ba unidade kuidadus intensivus HNGV. Pasiente nee nia teste PCR negativu dala 3 iha dia 23, 24, no 25 Abril tinan 2021, maibe sei nafatin uza ventilador liu husi trakeostomia. Transferensia lao diak no nafatin halo ventilasaun asistida.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Xanana Husu Joven Kria Pás & Estabilidade

DILI, STLNEWS.co - Lider nasional Kay Rala Xanana Gusmão husu ba joven iha Bairo Moris Foun C, Santo Antonio Comoro atu kria pás no...

Asosiasaun Emprezariu Xineza Apoiu Material Konstrusaun Ba BOP

DILI, STLNEWS.co - Ekipa voluntariu Mama Bolu Timor-Leste parseria ho Asosiasaun Emprezariu Juventude Xineza Timor oan apoiu material konstrusaun ba Batallaun Orden Públika (BOP)...

PR Ho Espoza Vizita Eko Turismo Sentru Estudu Mangrove

DILI, STLNEWS.co - Prezidente Republika Francisco Guterres Lú Olo no nia espoza ohin Domingu (01/08/2021) halo vizita ba fatin eko-turismu Sentru Estudo Mangrove, Hera. Iha...
%d bloggers like this: