DILI, STLNEWS.co – Hospital Nasional Guido Valadares (HNGV) rejistu pasiente neebe mak halo tratamentu iha HNGV hamutuk 5.581.
“Iha emerjensia HNGV nian, total pasiente neebe mak tama mai iha ami nia departamentu emerjensia iha fulan Abril total hamutuk 5.581. Kazu total rejista iha emerjensia, dadus nee tama mos ho triajen no moras sira neebe mai,” lia hirak nee hatoo husi Xefi Departamentu Emerjensia Interinu, Jose Felis Correia Freitas ba jornalista iha HNGV, Kuarta nee (11/05/2022).
Nia hatutan, durante fulan Abril nia laran nee, moras neebe mak sempre domina liu nee kardio vaskolar, nee moras tensaun no kurasaun, ida nee kazu aas.
“Moras kardiovakular nee mosu, tanba ita han ladun kontrola, falta halo atividade, diak mos hanoin barak, tanba ho servisu barak, entaun ho buat hirak nee bele halo tensaun aumenta, kolestrol, diabetes, entaun sira nee kontribui ba iha moras ida bolu sindromu metabolik, liga ho kardiovaskular,” tenik nia.
Nia dehan, moras aas segundu mak moras sira neebe mak liga ho pulmaun, inspesaun respiratoriu TBC, emonia, labarik sira mos moras iha pulmaun nee aas, depois tuir tan kazu sira neebe baixa durante fulan Abril laran nee iha medisina interna total 364.
Nunee mos Xefi Unidade Klinikal Emerjensia iha HNGV, Luciana Celeste Amaral dehan, iha HNGV departamentu emerjensia nee kada fulan moras kurasaun nee sempre aas.
(nat)
