Pasiente Hipertensaun 500 Resin Konsumu Aimoruk

DILISTLNEWS.co – Hahu husi fulan Junu tinan nee pasiente hipertensaun nain 500 resin halo tratamentu iha Sentru Saude Comoro (SSC), neebe kontrola regular ba saude tenke hemu ai-moruk loron – loron.

Hatete Xefe Sentru Saude Comoro (SSC), Emilia Ayati de Sousa ba STL, Segunda (23/08/2021).

“Ita nia pasiente hipertensaun nain 500 resin mak halo tratamentu no kontrolu regular ba saude, tanba sira tenke konsumu ai-moruk loron – loron,” dehan nia.

Nia esplika, husi moras 10 neebe rejistu iha sentru saude sira, laos deit ona moras hadaet mak rejistu aas, maibe moras la hadaet sira hanesan hipertensaun, struk no moras fuan mos aas, tanba mudansa stilu vida.

Numeru pasiente konsulta ambulatoriu menus, tanba sira nafatin aplika regras prevensaun no mitigasaun surtu Covid-19 nian, katak pasiente neebe visita fasilidade saude hatudu sintomas Covid-19 hanesan kakorok moras, mear, inus been, isin manas no iha istoria kontaktu ho pasiente Covid-19 ou mai husi fatin afetadu tenke submete ba swab teste. Maibe pasiente sira neebe tratamentu regular ho tempu naruk tenke mai fasilidade saúde atu hetan tratamentu.

Nia informa, moras neebe rejistu aas liu mak moras inspesaun respiratorio aguda, tanba fulan ida kuaze ema rihun rua resin, no moras kulit ema 700 resin, moras hipertensaun ema 500 resin no moras hadaet husi relasaun seksual mos numeru aas.

Iha parte seluk, Jestor Klinika Bairo Pite (KBP), Inacio do Santos hatutan,  pakote tratamentu ba moras la hadaet hanesan hipertensaun, diabetes no seluk tan iha ona sentru saude sira, tanba nee numeru pasiente halo tratamentu regular aas.

Tanba fulan hira liu ba, sira enfrenta problema ai-moruk insulin stok laiha, maibe semana fulan Junu nee sira simu ona apoiu ai-moruk no ekipamentu teste ba diabetes nian husi doador Insulin for live Australia.*

 Reportaajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: