Pasiente TB 80% Halo Tratamentu Iha Uma

DILI, STLNEWS.co – Iha fulan Abril to’o fulan Junu tinan 2021, sira deteta kazu foun mear tasak pozitivu hamutuk 80, neebe maioria 80% prefere halo tratamentu iha uma, tanba tauk ba hospital deteta sira pozitivu Covid-19.

Kestaun nee hatete husi Diretor Executivu Fundasaun Klibur Domin, Joaquim Soares liu husi telefone ba STL iha, Kuarta nee (06/10/2021).

Nia katak, ema barak hakarak halo tratamentu iha klinika, maibe ho surtu Covid-19 nee tauk mai baixa iha klinika.

“Ita nia komunidade sira tauk, tanba sira lakohi halo swab test Covid-19 nian. Foin lalais ita iha pasiente inisial MDA TB ida konfirmadu Covid-19, tanba nee ami kolabora ho ekipa saude halo swab test iha klinika nee, identifika ema nain 9 konfirmadu positivu Covid-19, entaun husi nee pasiente sira komesa tauk, lakohi mai simu tratamentu iha nee, sira prefere simu tratamentu iha uma deit,” hatete nia.

Nia dehan, ekipa halo esforsu akompana pasiente sira halo tratamentu iha uma, tuir protokolu tratamentu moras TB nian durante fulan neen nia laran, tenke hemu ai-moruk loron – loron.

Iha parte seluk, Diretora Jeral Prestasaun Saúde, iha Ministeriu da Saude, Odete da Silva Viegas tenik, komunidade sira lakohi ba halo tratamentu iha sentru saude no hospital, tanba tauk deteta sira pozitivu Covid-19.

Nia informa, ema umanu iha sentimentu tauk nee normal, maibe labele husik tauk nee domina, hodi lori fali konsekuensia ba vida.*

Reportajen: Jeniche da Costa

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...