Pasiente Transfere Ba Liur Tenke Tuir Kriteria

Foto: Pajina Facebook HNGV

DILI, STLNEWS.co – Durante nee pasiente transferensia ba rai liur hanesan Malaysia, Jakarta, Singapura, tenke kumpri kriteria neebe Ministeriu da Saude (MdS).

Junta mediku nia servisu mak pasiente neebe atu rujuk ona ba rai liur, tenke tuir kriteria neebe iha, tanba iha nee laiha fasilidade para atu fo atendementu, entaun tenke Haruka ba rai. Hatete Presidente Junta Mediku Espesialista Medina Interna Mateus Pinheiro ba jornalista Sira iha HNGV ,Segunda (16/11/2020).

Nia dehan, antes atu haruka pasiente ba rai liur nee haree konaba klinikal junta mediku nian, karik pasiente nee bele duni halo referal ba rai liur, nomos tenke tuir kriteria neebe iha, tanba ho razaun katak, pasiente iha nee mos ekipamentu laiha atu fo atendementu.

“Pasiente rujuk ba rai liur, tenke memenuhi kriteria ga Lae, tanba pasiente nee iha nee ita la bele halo buat ruma, tanba Ita fasilidade laiha, tanba nee Ita presiza rujuk para halo dianostika pasti, depois halo tratemtu iha neeba,” dehan Mateus.

Nia esplika, tranferensia moras ba rai liur nee laos tanba pasiente moras todan ona, maibe pasiente ninia moras nee tenke ba duni, para sira bele halo atendementu, hanesan moras kurasakan, leukemia, no kankru serviks, no seluk tan.

“Maibe Ita haree ba mak pasiente nee ba mais la kurativu ona, ba mos mate entaun diak liu lalika ba, maibe sei bele salva no moras nee benar-benar ba duni rai liur mak foin diak entaun tenke ba, mais tenke memenuhi kriteria neebe iha, ita labele se husi kriteria,” infroma nia.

Nia tenik, pasiente balun ba para halo konfirma diasnotika iha neeba, nomos halao tratamentu ha neeba, pruzemplu ba halo lemo terapia ou halo radio terapia, nomos kurasaun.

“Konaba jantung mos ita seidauk bele halo tratamentu iha nee, tanba ekipamentu laiha, tanba nee sira mos tenke transfer hotu ba liur,” nia esplika.

Entertantu Justino da Silva Minus nudar famlia pasiente Informa, tanba deit Covid-19 oras nee dadaun nia familia seidauk transfer ba Singapura, nia hanoin estadu emerjensia foin lalais nee hotu bele ba ona maibe too agora labele ba tanba sei EE.

“Covid-19 nee mak impende hau nia apa nia viajen halo tratamentu iha Singapura, tanba ita sei iha pendemia Covid-19,” nia haktuir.

Nia mos senti triste, tanba Covid-19 pasiente sira labele ba halo tratamentu iha rai liur, konaba dukumentus ba junta mediku nia sira prense tuir kriteria neebe ona HNGV fo mai.

“Konaba kriteria junta mediku nia ami tuir hotu ona, hein ba deit para halo tratamentu maibe ho situasaun Covid-19 labele ba, mais mediku sira kontinua fo atendementu nafatin too ami ba,” nia afirma.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here