Perdiem Ba Munisipiu, Laos Loron-Loron

DILI, STLNEWS.co – Ministra Saude (MS), Odete Maria Freitas Belo informa, la dehan redus perdiem ba iha munisipiu, tanba bainhira ba iha munispiu tenki lori pesoal saude sira para bele identifika problema saida mak iha munisipiu hasoru.

“Ita la dehan redus perdiem ba iha munisipiu, kuandu ita ba iha munisipiu nee ita lori ho ita nia pesoal saude sira, tanba bainhira hau ba mesak, depois fila fali mai se mak kontinua halao servisu ka identifika problema iha munisipiu sira, entaun ita tenki lori duni ita nia ema. Depois ita lao mos laos loron-loron, tanba iha nasional deit mos iha enkontru barak-barak i dala ruma ita lakon oportunidade atu bele hetan ita nia pesoal saude sira iha munisipiu,” dehan nia ba jornalista iha Hotel Timor, Tersa nee (02/08/2022).

Bainhira lao ba munisipiu, nee tanba iha inagurasaun ruma no iha konvite balun mak foin ba.

“Entaun ita seidauk masimu halo servisu neebe mak besik liu ba iha ita nia komunidade sira, horiseik ita nia Prezidente Republika dehan, saude no edukasaun nee los, neebe ami nia obrigasaun atu lao besik ba iha pesoal saude sira. Bainhira ita besik ba pesoal saude sira, entaun sira iha vontade atu servisu, maibe kuandu ita haluha sira, nee sira servisu laiha vontade ona,” dehan nia.

Iha fatin ketak, Prezidente Republika, Jose Ramos Horta dehan, diak liu koa tiha osan ba iha perdiem.

“Timor agora perdiem deit, tanba nee agora hau ba foho hau koa, bainhira hau ba foho nee lubuk ida. Neebe presiza hakarak tuir, bainhira funsionariu barak tuir nee ba la halo buat ida, maibe sira ba tuir hanesan manu lin, nee laos tanba sira hadomi hau, maibe sira ba nee hakarak perdiem, perdiem nee hanesan haree ema fakar ba manu lin sira nee,” haktuir nia.

Entaun, diak liu perdiem nee fo ba setor saude no profesores sira iha foho, laos fo fali ba baruk teen sira hakarak deit perdiem.

(nat)

LEAVE A REPLY

Please enter your comment!
Please enter your name here

NEWS UPDATE

Peringati HUT FALINTIL Ke-47, 3 Jenderal Dari 3 Negara Terima Penghargaan Dari Pemerintah TL

DILI, STLNEWS.co – Dalam rangka memperingati Hari Ulang Tahun (HUT)  FALINTIL ke-47 (20 Agustus 1975-20 Agustus 2022), pemerintah Timor Leste (TL) akan memberikan penghargaan “Medalha...

Presiden Ramos Horta Hadiri Peringatan HUT India Ke-75

DILI, STLNEWS.co – Presiden Republik Demokratik Timor Leste (RDTL), Jose Ramos Horta, didampingi Menteri Luar Negeri dan Kerja Sama Timor Leste, Adaljiza Albertina Xavier Reis...

Zeca Kria Rasik Kampu Trabalhu Ba Nia Aan

BOBONARU, STLNEWS.co - Joven ho naran Zeca Pereira inisiativa kria rasik kampu trabalhu ba nia aan liu husi loke kafetaria ho naran "Kaduak Kafe"...