PN – BESITL Sosializasaun Bee Mos Ba UNPAZ

Koordenador Plataforma Nasional ba Bee Mos Saneamentu no Ijiene Timor Leste (PN-BESITL), Koko Valentin. (Photo: STL News/Blandina Mauno)

DILI, STLNEWS.co – Plataforma Nasional Ba Bee Mos Saneamentu no Ijiene Timor Leste (PN-BESITL), halo sosializasaun ba Universidade da Paz (UNPAZ), liu-liu ba iha Fakuldade Enjeñaria sira.

Tuir Koordenador PN-BESITL hatete, seminariu ohin nia intensaun prinsipal maka halo divulkasaun konaba politika publika neebe atu asegura ba nesesidade ema defisiente, relasaun asesu ho bee mos no saneamentu nian.

“Ami halo sosializasaun konaba politika ida nee iha nivel universidade, tanba ho intensaun hakarak integra hanoin, kreativu no subtitui sira, neebe bele halo hodi influensia politika publik, liu-liu ba asegura ema defisiensia,” hatete Koordenador Plataforma Nasional ba Bee Mos Saneamentu no Ijiene Timor Leste (PN-BESITL), Koko Valentin, ba STL iha Salaun UNPAZ, Segunda (31/08/2020).

Kordenador hatutan, liu-liu kona ba asegura ema defisiente sira ba asesu fasilidade publiku sira ba bee mos no saneamentu, tanba ema hotu hatene bee mos ho saneamentu lahare ba ema mane klosan ka ema nia stratejia, maibe presiza saneamentu diak ho seguru.

Koko haktuir liu husi seminariu nee, estudante enjeñaria sira bele sosializa diak liu tan ba defisiente sira, no ajuda defisiensia sira bele uza bee mos tuir ijiene saude nian.

Reportajen: Blandina Mauno/Joaninha Belo

Editor: Ekipa STL

LEAVE A REPLY

Please enter your comment!
Please enter your name here