PN Husu MS Hadia Sistema Sala Emerjensia

DILI, STLNEWS.co – Reprezentane povu iha uma fukun Parlamentu Nasional (PN), husu ba Ministeriu Saude (MS) atu hadia sistema liu-liu iha sala emerjensia, neebe atu halo atendimentu ba pasiente sira neebe presiza atu hetan atendimentu emerjensia.

Tuir Deputadu Bankda KHUNTO, Luis Roberto, hatete relasiona ho pasiente sira neebe maka moras, karik bele MS tenke halo mudansa ba sistema.

“Ita labele kaer metin ba Covid-19 nian sistema, hodi sala emerjensia ida neebe maka aplika antes iha hospital agora halo fila buat seluk, tanba molok EE mosu sala emerjensia iha tiha ona katak, atende emerjensia ba ita nia pasiente sira labele fali pasiente sira moras ba sei halo swab tiha lai ho rezultadu negativu maka foin halo tratamentu ba sira,” dehan nia liu husi sesaun plenaria, Segunda (10/05/2021).

Nia afirma, ba ema sira neebe moras la aguenta bele mate. “Ita labele tauk demais liu fali Covid-19 hodi hamate fila fali ita nia ema sira neebe maka presiza tebes atu hetan atendimentu emerjensia,” tenik nia.

Nia akresenta, se kuandu sistema saude nian maka lao hanesan nee, diak liu sala emerjensia iha hospital hasai tiha nia naran emerjensia labele tau emerjensia ida.

Tanba nee husu nafatin oinsa atu halo atendimentu ba kualker pasiente sira, liu-liu doutor sira neebe estuda siensia ba saude nian sira tenke brani hodi halo atendimentu ba pasiente sira.

Iha fatin hanesan, Deputadu Bankada PLP, Noe da Silva dehan iha HNGV ladun hetan atendimentu neebe diak, liu-liu iha sala emerjensia.

“Informasaun neebe ami simu katak, saudozu Dameloe mate tanba atendimentu mediku sira nian maka tarde tanba sira laiha fatin. Ami husu ba MS atu bele haree ba situasaun ida nee, labele husik fatin emerjensia mamuk,” dehan nia.

Nia hatutan, tanba kada minutu pasiente sempre tama, se husik tiha minutu 10 deit mos defikulta ona ba maluk sira neebe presiza hetan atendimentu lalais iha sala emerjensia.*

Reportajen: Domingas Soares/ Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: