PN Preokupa Ema Moras Mental Abandonadu

DILI, STLNEWS.co – Deputadu Francisco David Carlos iha Paralamentu Nasional (PN) preokupa ho ema moras mental abandona husi Governu tanba nee, husu atu oinsa Ministeriu Saude (MS) nia haree ba kestaun nee.

Preokupasaun nee hatoo husi Xefi Bankada UDT Francisco David Carlos iha sesaun plenaria Kuarta (09/12/2020) bainhira debate Proposta OJE 2021 iha faze espesialidade ba loron datoluk iha PN.

“Hau hakarak husu kona ba numeru atus ida resin ema moras mental, serhque Governu iha planu atu kria fatin ka ospital ba ema moras mental nee kalaea? tanba agora ema moras mental atus ida resin iha Dili laran deit sei abandona husi Governu”, katak Abono.

Tuir nia, oinsa servisu integradu entre Ministeriu Solidaridade Sosial ho Ministeriu Saude hodi toma konsiderasaun ba buat hirak nee, tanba valor umanua nee boot liu buat hotu.

Hatan ba kestaun nee Ministra Saude Maria Odete hatete, “kona ba moras mental nee ita sei lahalo alberge ba moras mental, tanba ita tau sira iha alberge depois rekopra, ita lori ba uma ikus sira nia familia rasik lasimu, nunee mos vizinu no komunidade sira lakohi simu, kestaun lasimu ida nee halo sira moras fila fali”, katak ministra.

Nia esplika, atu dehan katak iha alberge mak sira diak ona lori fila ba uma maibe familia ka komunidade sira kria ambiente ladun diak hodo nafatin bolu sira bulak, i lakohi rona sira bainhira sira koalia, sempre hatete katal mee bulak, ida nee mak kria sira moras hikas.

Nia informa, iha Laklubar padre sira ho pessoal sira iha neeba atende ema mental nee diak ka rekopera, maibe ikus mai fila ba uma familia lasimu, tanba nee mak padre ho pessoal sira neebe servisu iha neeba lamenta tebes.*

Reportajen : Guilhermina Franco / Domingas Soares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...
%d bloggers like this: