PNTL 100 Resin Tuir Teste Swab; Nain 16 Pozitivu

DILI, STLNEWS.co – Portavoz Komando Jeral Polisia Nasional Timor Leste (PNTL), Superintendente Xefe Arnaldo de Araujo informa, total membru PNTL neebe mak tuir ona teste swab hamutuk iha 100 resin, no konsege deteta membru 16 mak pozitivu. Kestaun nee hatoo husi portavoz Komando Jeral Polisia Nasional Timor Leste (PNTL), Superintendente Xefe Arnaldo de Araujo ba jornalista sira liu husi konferensia imprensa iha Komando PNTL, Caicoli, Sesta (14/05/2021).

“Polisia sei kontinua halo viskalizasaun ba implementasaun serka sanitaria, no konfinamentu jeral ba populasaun iha munisipiu Dili, no serka sanitaria iha munisipiu Baucau nomos Covalima,” dehan nia.

Liga ba sosializasaun ba prevensaun Covid nian neebe mak PNTL halo ba komunidade sira, maibe realidade iha terrenu komunidade nafatin la kumpre.

Iha biban nee mos portavoz PNTL informa, oras nee dadauk total PNTL neebe pozitivu covid hamutuk iha 16 pesoas.

“Nee iha munisipiu tomak no agora dadauk provizioramente halo hela teste swab ba sira, ita hein katak iha tempu badak mai tan ita sei hatene numeru serteza ba membrus neebe mak hetan positivu,” dehan nia.

Nia hatutan, husi rezolusaun de governu fo sai ona katak, ema hotu kumpre atu swab, tanba nee mak parte polisia nian sei swab hotu.*

Reportajen: Claudios de Jesus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: