PNTL Sei Apoiu MS Swab Komunidade

DILI, STLNEWS.co – Polisia Nasional Timor Leste (PNTL), sei apoiu Ministeriu Saude (MS), hodi halao teste swab ba komunidade sira iha bairru-bairru. Lia hirak nee hatoo husi, porta voz Komando Jeral PNTL Superentendente Xefe Arnaldo De Arajo ba jornalista sira, liu husi konfrensia Imprensa, neebe iha Caicoli, Dili, Kinta (06/05/2021).

Tuir nia, komunidade sira preokupa barak konaba polisia halo check point obriga sira tama ba halo swab nee tanba saida, atu hatete katak lei estadu emerjensia mak obriga haruka hodi kumpre regras ida nee.

Arnaldo hatutan, prevensaun ba kontaminasaun virus corona para labele hadaet, husi swab nee mak bele hatene ema nee pozitivu ka lae.

“PNTL sei apoiu tomak Ministeriu Saude hodi halao swab nee ba komunidade tomak, paos deit iha fatin check point, maibe Ministeriu Saude atu halao swab iha bairru-bairru nee PNTL sei asegura nafatin ba Ministeriu Saude, PNTL halao servisu hamutuk ho Ministeriu Saude halo swab,” tenik Arnaldo.

Nia dehan, komunidade sira neebe la kumpre konfinamentu domisiliariu jeral, sira neebe mak tama liu iha lina neebe PNTL sira halo hela check point, entaun obriga sira para tama iha fatin neebe PNTL sira prepara ona hamutuk ho Ministeriu Saude hodi halo swab.

“Ita hotu labele rekuza ba asuntu ida nee tanba ita hotu hatene katak rezolusaun governu numeru 15, sidadaun sira neebe mak ba halo ezaminasaun mediku diagnostiku obrigatoriu ida nee sei sujeta pesoal sira ba nia izolamentu profilatiku obrigatoriu,” dehan nia.

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: