PNTL Sensibiliza Medida Prevensaun Covid-19 Iha Munisipiu Dili

DILI, STLNEWS.co – Polisia Nasional Timor Leste (PNTL) liu husi Komando PNTL Munisipiu Dili ho ekipa tama sai bairo sira iha kapital Dili hodi sensibiliza medida prevensaun ba populasaun sira, relasiona ho numeru infeitadu Covid-19 neebe oras nee sae aas ba beibeik.

Tuir Segundu Komandante PNTL Munisipiu Dili, Superintendente Polisia João Sancho Pires katak, Komando PNTL Munisipiu Dili halao sensibilizasaun ba fahe maskara ba populasaun sira, tanba hetan orientasaun husi Komando Munisipiu Dili.

“Bazeia ba diretiva husi Komandante PNTL Munisipiu Dili atu membru PNTL hotu – hotu kontinua halao atividade prevensaun nian, no ohin ita halao atividade sensibilizasaun uza toa haruka fila komunidade sira neebe laiha nesesidade tur iha area tasi ibun Motael mai to’o Bidau Santana, hapara mos ativividade obralan iha Aimutin, nomos fo hanoin ba komunidade sira iha fatin públiku sira hanesan supermerkadu, loja, ofisina, no mos restaurante sira hodi bele esplika nafatin konaba regras Organizasaun Mundial Saude (OMS) nian liu – liu Ministeriu Saude nian ba prevensaun Covid-19 inklui variante Delta,” dehan João Pires, hafoin remata sosializasaun iha Bidau, Sesta nee (03/09/ 2021).

Nia hatete, atu halo prevensaun ba surtu Covid-19 nee laos liu deit hosi Estadu Emerjensia (EE), maibe atividade sensibilizasaun iha kada bairo sira hanesan nee tenke kontinua nafatin hodi prevene Covid-19 inklui variante Delta.

“Importante tebes atu uza maskara atu hapara transmisaun moras nee, maibe ohin ita lao ain no deteta katak maioria komunidade sira sensivel no komprende ona, so iha nain ida ka rua mak lao iha dalan la uza maskara, maibe ami mos prepara kedan maskara fahe ba sira uza hodi mantein nafatin regras neebe mak iha,” tenik nia.

Maske nunee, João Pires husu nafatin ba komunidade sira iha kapital Dili atu ema hotu tenke uza maskara, fase liman beibeik ho sabaun no pratika distansiamentu iha neebe deit. bainhira ema hotu iha ona konsiensia hodi halo tuir regra no protokolu saude mak sei hakotu korenti surtu Covid-19 inklui variante Delta ba ema seluk.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: