Populasaun 9.728 Simu Ona Vasina Segundu Faze

DILI, STLNEWS.co – Lansamentu vasina ba faze daruak neebe hahu halao iha loron 10 fulan Maiu liu ba, too ohin populasaun hamutuk 9.728 simu ona vasina.

Tuir komunikadu husi ekipa interministerial luta kombate Covid-19 sira katak, planu vasinasaun neebe hahu halo lansamentu iha loron 10 Maiu liu ba too loron 13 Maiu 2021, sidadaun hamutuk 9.728 mak simu ona vasina ho tipu AstraZeneca.

“Husi loron 10 fulan Maiu too horiseik loron 13 fulan Maiu, ema hamutuk 9.728 mak hetan ona vasina, ema sira nee besik pursentu haat nulu resin neen (46%), pertense ba adultu ho tinan liu 60, ema ho komorbilidade ka moras kroniku no mos pesoal saude husi lina frente,” haktuir komunikadu husi ekipa interministerial luta kombate Covid-19, neebe STL asesu iha Sesta (14/05/201).

Iha faze dahuluk populasaun Dili neebe hetan vasina ona hamutuk 15.835, nunee total kumulativu populasaun Dili neebe hetan ona vasina hamutuk 25.563 (koresponde 8.590 populasaun Dili).

Tanba nee, iha semana nee vasina hasoru Covid-19 fo komunidade sira iha area munisipiu Dili nian hanesan iha Comoro, Vera Cruz, Formosa, Becora, Metinaro, Bebonuk, Fatuhada, Madohi, Villa Verde, Caicoli, Gricenfor, L.Oriental, no Sabuli.

Iha semana tuir mai, sei kontinua fo vasina iha komunidade sira iha suku Comoro, Bebonuk, Fatuhada, Madohi, Villa Verde, Lahane Oriental, Caicoli, Lahane Occidental, Culuhun, Bidau Sta. Ana, Wenunu, iha HNGV, sentru saude sira iha Comoro, Vera Cruz, Formosa, Becora, Metinaro, no mos iha instituisaun balun.

“Implementasaun Planu Nasional Vasinasaun hasoru Covid-19 lao hela tuir planu, no ami hein katak iha semana rua nia laran, ami sei konsegue fo hotu doze rihun rua nulu neebe ita foin simu husi Australia, vasina ida nee sei hamenus moras todan ba ema neebe hetan Covid-19. Maibe atu hamenus virus Covid-19 hadaet husi ema ba ema, importante tebe-tebes kontinua tuir medidas saude nian hanesan fase liman ho sabaun, uza maskra no hadook-an husi ema seluk,” dehan komunikadu nee.

Enkuantu tuir planu VIII governu konstitusional liu husi komisaun interminesterial luta kombate Covid-19 iha Timor Leste, iha fulan oin mai sei simu tan vasina, nunee fo ba sidadaun hotu para bele prevene sira husi moras Covid-19 dadaun nee hahu invade Timor Leste.

Timor Leste simu husi Australia 20 mill doses vasinas AstraZeneca iha dia 5 Maiu 2021 liu ba hanesan kompromisiu apoiu husi Governu Australia mai Governu Timor Leste. Situasaun atual Covid-19 iha Dili, obriga Ministeriu Saude foti desizaun fo prioridade atu proteje lalais populasaun iha kapital neebe numeru infesaun Covid-19 sae makas, nunee vasinas 20 mill doses hahu nia implementasun iha deit Dili.

Aleinde nee, iha primeira faze vasinasaun hasoru Covid-19 hahu iha 7 Abril liu ba iha munisipiu sanulu resin tolu (13), ema hamutuk besik rihun rua nulu resin ualo no atus neen (28.600), inklui pesoal saude hamutuk rihun ualu (8.000) no ema rihun sanulu resin sia (19.000) husi setor sira seluk.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: