Populasaun Manatuto Rihun 19 Simu Ona Vasina

MANATUTO, STLNEWS.co – Populasaun neebe iha Munisipiu Manatuto hamutuk rihun 19 mak simu ona vasina, balun doze daruak no balun primeiru.

Kestaun nee hato’o husi Diretor Servisu Saude Munisipiu Manatuto, Mateus Vicente Corea, ba STL iha nia knaar fatin Manatuto, Sabadu (11/09/2021).

Diretor nee hatete, konaba vasina ida nee mak sai hanesan dezafius ka obstaklu ida sira enfrenta katak, ate a data komunidade neebe mak kompostu husi postu neen (6) no iha 31 suku neebe mak estabelese iha Munisípiu Manatuto konsege ona vasina kobre persentajen neebe mak kobre tomak nee hamutuk 53.7%.

“Signifika katak hamutuk ona 19 mill populasaun hotu-hotu neebe mak idade 18 ba leten nee kobre tiha ona asesu primeiru doze no segundu doze,” hatete Diretor nee.

Diretor Servisu Saude Munisipiu Manatuto, Mateus Vicente Corea. (Foto: STL/Emerenciana Pinto)

Nunee mos komunidade neebe mak balun tauk ho informasaun hoax sira, balun seidauk simu vasina maibe sira koko halo aprosimasaun nafatin hodi motiva komunidade sira simu vasina.

“Buat ida atu konvensa ema nee laos fasil, maibe ami nafatin komitmentu servisu hamutuk ho ami nia administrador Manatutu no administrador postu no mos xefe suku sira hotu, ami komitmentu ida nafatin esforsu. Ami mos hamutuk ho Polísia Nasional Timor-Leste (PNTL) oinsa buka dalan para atu bele minimiza ou redus kazu hirak nee oinsa komesa ita nia komunidade sira nafatin ami tenta liu husi modelu oioin,” nia tenik.

Nia hatutan, modelu segundu sira nafatin ho komitmentu ho xefe suku sira nafatin tun ba terenu halo advokasia promosaun ba komunidade sira lor-loron, oinsa para sira nia hanoin bele iha ona pozitivu para asesu ba iha vasina.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: