Postu Saude Lemkari Rejista Infeksaun Respiratoriu Aguda 162

DILI, STLNEWS.co – Hahu fulan Marsu too Abril, postu saude Lemkari Manleuana, rejista moras Infeksaun Respiratoriu Aguda (IRA), hamutuk 162 neebe husi moras oi-oin.

“Durante fulan rua nia laran nee ami rejista moras numeru aas maka Infeksaun Respiratoriu Aguda (ISPA) iha fulan Marsu hamutuk 119 no fulan Abril iha kazu hamutuk 43, pasiente hirak nee idade husi 0 too tinan 60 ba leten.” hatete responsavel postu saude Lemkari, Manuela Maria Fatima Soares Mendonça ba STL, iha Lemkari Manleuana, Kinta (10/06/2021).

Iha postu saude Lemkari nee oi-oin, iha moras kulit mos barak, iha fulan Marsu hamutuk 44 no fulan Abril hamutuk 24 nee idade husi 0 too idade 60 ba leten.

Maibe serka sanitaria nia laran nee pasiente ladun barak, dala ruma pasiente nain 10 deit kada loron, nia kompara uluk seidauk tama serka sanitaria nia laran nee dala ruma loron pasiente neebe mai halo nee 40 ba leten agora nee oituan deit.

Dala ruma pasiente sira mai halo tratamentu tauk tanba swab, entaun maski sira moras mos sira la mai halo tratamentu iha postu tanba tauk swab, keta halo ba pozitivu tama izolamentu no kuarentena ida maka sira la mai halo tratamentu.

Maibe inan isin rua sira halo imunizasaun nee kada loron sira mai hela, fulan ida bele atende pasiente hamutuk 100 maibe ladun barak kompara ho antes nee kada fulan ida 200 ba leten, maibe sira ninia papel halao hela hanesan baibain maski serka sanitaria, maibe atendimentu ba pasiente sira iha loron Segunda too loron Sesta oras tuku 08:00 too tuku 17:00 oras Timor nian.

Doutora nee kestiona, pasiente balun mai halo tratamentu iha postu nee mak moras grave haruka ba halo tratamentu iha Hspital Nasional Guido Valadares (HNGV) sira lakohi, razaun tanba tenki teste swab.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: